| e-texts navigator |
| Wylie |
94b1 མཛོད། ། འཇིག་རྟེན་མགོན་པོ་སྟོང་ཉིད་ཅི་སྟེ་བཞུགས།། དད་སྒྲོལ་འཇིག་རྟེན་བསོད་ནམས་ཀྱིས་བཞུགས་ཤིང་།། བྱང་ཆུབ་འདོད་པའི་འཇིག་རྟེན་མགྲོན་བོས་ནས།། ཁྱོད་ནི་སྟོང་པ
94b2 ཉིད་ལ་སེམས་པར་བྱེད། ། ཇི་ལྟར་སྐར་མདའ་འཕྲོ་བ་བཞིནི།། བྱང་ཆུབ་སེམས་ལ་ཞུགས་པར་གྱུར།། རྡོ་རྗེ་འཆང་རང་ངོ་བོ་ཉིད།། སྙིང་རྗེ་དང་ནི་འདོད་ཆགས་སེམས།། དང་པོར་སྒོམ་པ
94b3 རྣལ་འབྱོར་ཏེ། ། གཉིས་པ་རྗེས་ཀྱི་རྣལ་འབྱོར་ཡིན།། གསུམ་པ་ཤིན་ཏུ་རྣལ་འབྱོར་ཏེ།། བཞི་པ་རྣལ་འབྱོར་ཆེན་པོའོ།། རྡོ་རྗེ་སེམས་དཔའ་རྫོགས་པ་ཡིན།། རྣལ་འབྱོར་ཡིན་པར་འདི
94b4 ལྟར་འདོད། ། དེ་ནི་རྒྱུ་མཐུན་ལྷ་ཡི་སྐུ།། རྗེས་ཀྱི་རྣལ་འབྱོར་ཡིན་པར་གྲགས།། འཁོར་ལོ་ཐམས་ཅད་ཡོངས་རྫོགས་པ།། ཤིན་ཏུ་རྣལ་འབྱོར་ཡིན་པར་གྲགས།། སྐུ་དང་གསུང་དང་ཐུགས
94b5 རྣམས་དང་། ། ལྷ་ཡི་མིག་སོགས་བྱིནི་རླབས་དང་།། ཡེ་ཤེས་འཁོར་ལོ་གཞུག་པ་དང་།། བདུད་རྩི་མྱང་བ་དག་དང་ནི།། མཆོད་དང་བསྟོད་པ་ཆེན་པོ་དག། རྣལ་འབྱོར་ཆེན་པོ་ཞེས་བྱའོ།།
94b6 སློབ་དཔོན་ལ་ནི་བརྙས་མི་བྱ།། བདེ་གཤེགས་བཀའ་ལས་འདའ་མི་བྱ།། དེ་བཞིན་སྤུན་ལ་ཁྲོ་བ་དང་།། ཞེས་པ་བསྒྲག་པར་མི་བྱོར།། བྱང་ཆུབ་སེམས་ཀྱང་གཏང་མི་བྱ།། བདག
94b7 གཞན་ཆོས་ལ་སྨད་མི་བྱ། ། སེམས་ཅན་ལ་ནི་བྱམས་པ་དག། ནམ་ཡང་གཏང་བར་མི་བྱའོ།། ཡོངས་སུ་མ་སྨིན་སེམས་ཅན་ལ།། གསང་བ་དག་ནི་བསྟན་མི་བྱ།། བདག་སོགས་ཕུང་རྔ།
iiif viewer powered by OpenSeadragon
