| e-texts navigator |
| Wylie |
93a1 ཆུ་ཡི་སྟེང་ནས་རྟག་ཏུ་འགྲོ།། ཀུ་རུ་རབ་སྒྲུབ་ཐབས།། དེ་ནས་ཡང་དག་བཤད་པར་བྱ།། གང་གིས་བསྒོམས་པ་ཙམ་གྱིས་ནི།། ཀླུ་ཡི་བུ་མོ་རབ་འགུགས་པ།། ཁ་དོག་ད
93a2 མར་པོ་ཞལ་བཞི་པ། ། ཕྱག་བརྒྱད་དང་ནི་རབ་ཏུ་ལྡན།། ཧྲི་ཡི་ས་བོན་ལས་བྱུང་བས།། ཀླུ་ནི་འགུགས་པར་བྱེད་པ་ཡིན།། ཕྱག་བརྒྱད་དུ་ནི་ཀླུ་དགོད་དེ།། མཐའ་ཡས་ལ་སོགས་ཀླུ་རིག་བརྒྱད།།
93a3 ལུས་ནི་སྦྲུལ་གྱིས་རབ་ཏུ་བརྒྱན།། བརྟུལ་ཞུགས་ཅན་གྱིས་མཛེས་མ་སྒོམ།། སྔགས་ནི། ཨོཾ་ཀུ་རུ་ཀུལླེ་ཧྲིཿཔུ་སྭཱ་ཧཱ། དེ་ནས་གསང་བ་བཤད་པར་བྱ།། བསྡུས་ནས་ཡིན་གྱིས་རྒྱས་པ་མིན།། གང
93a4 ཞིག་ཤེས་པ་ཙམ་གྱིས་ནི། ། ལྷ་ཡི་བུ་མོ་འགུགས་བྱེད་པ།། ཕྱག་གཉིས་པ་ལ་ཞལ་གཅིག་སྟེ།། ཕྱག་ན་མདའ་དང་གཞུ་བསྣམས་པ།། ལུས་ནི་སེར་པོ་ཆེན་པོ་ཡི།། རྡོ་རྗེ་ལུས་མེད་བསྒོམ་པར་བྱ།།
93a5 ཤར་དུ་དགའ་མ་བསྒོམ་པར་བྱ།། ལྷོ་རུ་འདོད་པའི་མཛེས་མ་སྒོམ།། ནུབ་ཏུ་འདོད་པའི་ལྷ་མོ་སྒོམ།། བྱང་དུ་འདོད་པའི་ལྕགས་ཀྱུའོ།། འདོད་པའི་ལྷ་མོ་ཐམས་ཅད་ཀྱི།། ཕྱག་ཏུ་མདའ་དང་གཞུ
93a6 བསྒོམ་བྱ། ། སེར་དང་དམར་དང་དེ་བཞིན་ལྗང་།། དམར་སྒྲ་དག་ནི་བསྒོམ་པར་བྱ།། མཚམས་རྣམས་སུ་ནི་རྟག་དགོད་པ།། མི་འགག་དེ་བཞིན་མཚམས་ཀྱི་བདག། དབྱི་དང་སྤྲེའུའི་རྒྱལ་མཚན་ནི།།
93a7 སྒོ་ཡི་ཕྱོགས་ཀྱི་བཤད་པར་བྱ།། འདོད་པ་འགྱིང་དང་འགྱིང་བག་ཅན།། དྲན་དང་དེ་བཞིན་མདའ་གྲི་ཅན།། ལྷ་རྣམས་དེ་དག་ཐམས་ཅད་ཀྱི།། དབུ་ལ་གཤིན་རྗེ་གཤེད་པོ་སྒོམ།། བུད་མེད་ཀྱི་ནི་པདྨ
iiif viewer powered by OpenSeadragon
