| e-texts navigator |
| Wylie |
130b1 གཅོད་གསོལ་བས་སྐུ་ཡི་དང་། ། ཧཱུཾ་དང་ཕཊ་ཀྱི་གདུག་རྩུབ་སྦྱོར་བས་གསུང་།། ཀུན་གྱི་རང་བཞིན་ཁྱོད་ཀྱི་གཤིན་རྗེ་ཡི།། ལྷོར་འཛུད་བཀའ་ལས་དེས་ཀྱང་མི་འདའ་ཞིང་།། ཕྱོགས་བཅུའི་སྤྲུལ་པའི་གནས་ནས
130b2 འགུགས་མཛད་པ། ། མ་ལུས་ཀུན་བྱེད་འཁོར་ལོ་ཚ་མཆོག་ལ།། གཞན་གྱི་དོན་རྫོགས་གུས་པས་ཕྱག་འཚལ་ལོ།། ཁྱོད་ནི་དཔའ་བོ་ཐུབ་ཆེན་ཀུན་གྱི་བདུད།། ང་ཡིས་ལམ་བསྟན་བདུད་རྣམས་མི་ཕྱེད་ཀྱང་།། དམ
130b3 ལས་འདའ་ཞིང་ལོག་པ་ཀུན་སྐྱེད་ལ། ། ཁྱོད་ཀྱང་བཀའ་ལས་མ་འདའ་ལས་རྣམས་སྒྲུབས།། ཚེ་དང་སྲོག་བསྡུས་ཡན་ལག་རྣམ་པར་བཅིངས།། བདུད་རྩི་ཆུ་རྒྱུན་རྣལ་འབྱོར་ང་ལ་འདོད་སྒྲུབ་ན།། ངས་ནི་སྦྱིན་བྱ་ཁྱོད་ནི།
130b4 དམ་ལས་མ་འདའ་ཞིག། ཅེས་དཔལ་གཤིན་རྗེ་དགྲ་ནག་པོའི་འཁོར་ལོ་གཞན་གྱི་ལྟོ་བ་ལ་གནས་འཆའ་བར་འདོད་པའི་གཏན་འཕོ་བ་མ་ཡིན་པའི་ཚེ་བྱའོ།། འཁོར་ལོ་སྒང་ཁར་ལྟ་བའི་ཚེ།། ས་བོན་ཚུལ་ཏེ་ལྟེ་བ་ལ།། ཡི་གེ་མ་ལུས
130b5 འདོད་པ་ཡང་། ། མཚན་ཉིད་ངན་པའི་རྟོག་པ་ལས།། གྲོལ་ཏེ་མཐའ་གསུམ་ངོ་བོ་ལས།། ཀྵ་ནི་ཟད་པའི་བདག་ཉིད་ལ།། ཨུ་ནི་ཧཱུཾ་གི་བདག་ཉིད་དེ།། དེ་ནི་སེམས་ཀྱི་རང་བཞིན་ཉིད།། དགའ་ལས་འདས་པའི་ཡེ་ཤེས་ཏེ།། ཐབས་ནི།
130b6 ཤེས་རབ་ལྡན་པ་ལས།། དུས་ཐབས་བསྟེན་པའི་བདག་ཉིད་ཀྱིས།། འཐོབ་སྟེ་གཞན་དུ་དེ་མི་འཐོབ།། ཆུ་འགྲམ་ཆེན་པོ་བས་མཐའ་དང་།། དུར་ཁྲོད་ཤིང་དྲུང་དགོན་པ་སྟེ།། དབེན་པའི་ཡུལ་དང་མ་མོའི་ཁྱིམ།། དེར་ནི་མགོན
130b7 པོ་འདི་ལ་འབད། ། གཞན་དུ་བསྒྲུབས་ཀྱང་དེ་མི་འགྲུབ།། སྐད་ཅིག་དེ་ལ་རང་བཞིན་ཀུན།། ངེས་པར་མི་སྣང་རིག་པ་ཡི།། ལམ་དུ་གྱུར་པ་མེད་པར་ཤེས།། འབྲས་བུ་དེ་ནི་རྒྱ་ཆེན་ཏེ།། མཐའ་ཡི་འཐོབ་པ་དེ་ཡིན་ནོ།། དེ་ནས་ཡང
iiif viewer powered by OpenSeadragon
