| e-texts navigator |
| Wylie |
128b1 དུར་ཁྲོད་རྒྱན་གྱིས་རྣམ་བཞུགས་པའི།། ཞེ་སྡང་གཤིན་གཤེད་རྡོ་རྗེ་ནི།། སྤྲོས་མེད་ནམ་མཁའ་ལྟ་བུ་ལས།། སྙིང་རྗེ་ཐབས་ཀྱིས་སྐུ་སྤྲུལ་པ།། ཡེ་ཤེས་ཁྲོ་རྒྱལ་རབ་འཇིགས་པའི།། དུད་ཁ་མུན
128b2 ཆེན་སྐུ་ལ་འདུད། ། གར་དགུ་ཉམས་དང་ལྡན་པ་ཡི།། གཏི་མུག་རྡོ་རྗེ་གཤིན་རྗེ་གཤེད།། སྐྱེ་མེད་དོན་དམ་ངང་ཉིད་ལས།། ཐབས་ཀྱིས་སྤྲུལ་པའི་སྐུར་བསྟན་པ།། འཇིགས་བྱེད་དྲག་པོའི་ཆ་ལུགས
128b3 ཅན། ། ཟླ་བ་ཉ་འདྲ་ཁྱོད་ལ་འདུད།། བསྐལ་པའི་མེ་ལྟར་འབར་བ་ཡི།། སེར་སྣ་གཤིན་རྗེ་རྡོ་རྗེ་ནི།། འཛིན་པ་པོ་ལས་གྲོལ་བ་ཡིས།། གདུག་པ་འདུལ་ཕྱིར་ཁྲོ་བོར་སྤྲུལ།། གཏེར་འཆང་སེར་སྣ་གྲོལ
128b4 མཛད་པ། ། བཅོམ་གསེར་འདྲ་ཁྱོད་ལ་འདུད།། ཆགས་པས་མ་ལུས་དབང་མཛད་པའི།། འདོད་ཆགས་གཤིན་རྗེ་རྡོ་རྗེ་ནི།། སྐྱེ་མེད་རྣམ་དག་ཆོས་དབྱིངས་ལ།། ཁམས་གསུམ་པ་དག་ཁྲོ་བར
128b5 སྤྲུལ། ། མ་ཆགས་སྤྱན་ལྡན་ཐུགས་རྗེ་ཅན།། བན་དུ་ལྟ་བུའི་སྐུ་ལ་འདུད།། ཤེས་རབ་ཐབས་ལྡན་ཧེ་རུ་ཀ། ཕྲག་དོག་གཤིན་རྗེ་རྡོ་རྗེ་ནི།། རྣམ་རྟོག་དཔེ་དང་བྲལ་བ་ལས།། ཐུགས་རྗེ་སྤྲུལ་པའི་ཁྲོ
128b6 བོར་ནི། ། འགྲོ་དོན་བརྩོན་པའི་རལ་གྲི་ཅན།། སྣ་ཚོགས་མདོག་ཅན་ཁྱོད་ལ་འདུད།། ཐམས་ཅད་བསྐྱེད་པའི་ལྷ་མོ་ཆེ།། དབང་པོ་ལྟ་བུར་བསྒྱུར་མཛད་པ།། ཁམས་གསུམ་གཟིགས་པའི་སྤྱན་དང་ལྡན།།
128b7 རྣམ་སྣང་ཅན་གྱིས་བདུད་བཞི་འཇིགས།། བདེ་བ་ཆེན་པོས་རྟག་ཏུ་དགྱེས།། ཡེ་ཤེས་སྤྱན་ཅན་ཁྱོད་ལ་འདུད།། ཀུན་སྡུད་ལྷ་མོ་རིན་པོ་ཆེ།། རྣམ་རྟོག་སྐྱོན་ལས་རྣམ་གྲོལ་ཡང་།། དུས་གསུམ་བདེ
iiif viewer powered by OpenSeadragon
