| e-texts navigator |
| Wylie |
128a1 སྣུམ་སྟེར་དག་གི་ས་བོན་ལ།། ཉ་ལྕིབས་དང་ནི་བྱི་ཏང་ཀ། ཁུ་བས་ཡང་དེ་བྱུགས་པ་ལ།། ཐོད་པ་སས་ནི་རྣམ་བཀང་བར།། སྦས་ཏེ་བཟླས་པ་གྲངས་མེད་བྱ།། དེ་ཚེ་མཆོད
128a2 དང་གཏོར་མ་དག། ཡོངས་རྒྱས་འབྲས་བུ་རྣམས་བླངས་ཏེ།། ཁར་བཅུག་མཁའ་འགྲོ་བྱས་འགྱུར་རོ།། དེ་ལ་འདི་སྐད་ཅེས་བྱ་སྟེ།། ཞུས་དང་འདས་བྱུང་གདུག་པ་དང་།། མངོན་པར་རྟོགས་པའི་ཏིང
128a3 ངེ་འཛིན། ། དཀྱིལ་འཁོར་རྣམ་པར་སྤྲོས་པ་དང་།། ཐིག་གིས་གཞལ་ཡས་མཚན་པ་དང་།། རྡུལ་ཚོན་ཕྱོགས་ལས་རྣམ་པར་བརྟགས།། ཡང་དག་བྱིན་གྱིས་བརླབས་པ་དང་།། བདུད་རྩི་མྱང་བར
128a4 བྱ་བ་དང་། ། ཚངས་པའི་གནས་བཞི་སྒོམ་པ་དང་།། སྔགས་ཀྱི་དངོས་མེད་དེ་བཞིན་མཚམས།། ཆོས་འབྱུང་དང་ནི་སྒྲུབ་པོ་དང་།། བཟླས་དང་དེ་ཡི་གྲངས་ཚད་དང་།། འཁོར་ལོ་དང་ནི་ཡི་གེ
128a5 གཉིས། ། ངེས་པར་ཞུས་དང་མཆོད་པ་དང་།། འཁོར་ལོ་འདྲི་བའི་མཚན་མ་དང་།། འབྱུང་བ་བཞི་དང་བསྡུ་སོགས་དང་།། སྡོམ་པ་འཁོར་ལོའི་ཡི་གེ་བྲི།། གཞི་དང་དེ་བཞིན་སྣག་ཚ་དང་།། སོ་སོ
128a6 ལས་ཀྱི་བྱེ་བྲག་དེ། ། བསྡུས་ཏེ་ང་ཡིས་བསྟན་པ་ཡིན།། དེ་ནས་བཅོམ་ལྡན་འདས་ཀྱིས་འབྱུང་པོ་རྣམས་ལ་གཏོར་མས་ཚིམ་པར་བྱ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ།། སྐུ་དང་།
128a7 ། གསུང་དང་། ཐུགས་རྡོ་རྗེ་ལས་སྔགས་འདི་ཕྱུང་ངོ་།། ཨོཾ་ཧྲཱིཿཥྚྲཱིཿཝི་ཀྲྀ་ཏཱ་ན་ན་ཧཱུཾ་ཧཱུཾ་ཕཊ་ཕཊ་སཱ་ཧཱ། འབྱུང་པོ་རྣམས་དང་རྣམ་སྦལ་ཏེ།། ཐ་མར་སྦྱར་བ་བྱས་པ་ནི།། ཧི་ཧི་ཧིཾ་ཧཱུཾ་ཕེཾ་ཕེཾ་པོ་སྭཱ་ཧཱ།
iiif viewer powered by OpenSeadragon
