| e-texts navigator |
| Wylie |
126a1 བཙག་རྣམས་བསྲེས་ཏེ་སོ་མ་བཏང་།། ཁམ་པོར་གཉིས་ལ་འཁོར་ལོ་འདི།། པོ་དང་མོ་ཡི་བསྐོར་ཕྱོགས་གཉིས།། མ་ནོར་བྲིས་ཏེ་ཁ་སྦྱར་ལ།། རོ་བསྲེགས་ས་དང་ཐལ
126a2 བས་གཡོགས། ། སྟེང་དུ་བཟླས་ཤིང་སྤེལ་པ་ནི།། སྟམྦྷ་ན་དང་ཀུ་རུ་ལོ།། སཱ་ཧཱ་མེད་པའི་སྔགས་འདི་ཡིས།། ཁ་བཅིང་བ་ནི་ངེས་པར་འགྱུར།། གང་ཞིག་གསད་པར་བྱེད་པ་ལ།། སྙིང་རྗེར་ལྡན་པའི
126a3 གང་ཟག་ཀས། ། གདུག་བྱེད་ལས་འདི་བྱེད་པ་ལ།། གཤིན་དགྲ་ལྷ་ཡི་རྣལ་འབྱོར་གྱིས།། ཞག་གཅིག་གིས་ནི་འགྲུབ་པར་བྱེད།། བཅུ་བཞི་ཉི་མ་བྱེད་པ་ན།། བྱ་རོག་སྒྲོ་རྩའི་སྦུ་གུ་ཡིས།།
126a4 དུར་ཁྲོད་ཀྱི་ནི་རས་དག་ལ།། དུག་དང་ཚ་དང་སྐེ་ཚེ་དང་།། ནིམ་པ་ཚ་བ་གསུམ་དག་དང་།། ཚ་བའི་མར་ཁུ་དུར་ཁྲོད་སོལ།། སྨྱོ་བྱེད་མཛུབ་མོའི་ཁྲག་གིས་བྲི།། རོ་བསྲེགས་པ་ཡི་ཐལ་བ་དང་།
126a5 བསྒྲུབ་བྱའི་རྐང་པའི་རྗེས་ཀྱི་ས།། མི་ཡི་རུས་ཕྱེ་ལ་སོགས་ལ།། གཟུགས་བྱས་དེ་ཡི་སྙིང་ཁར་གཞུག། དུར་མེ་དག་ལ་དེ་བསྲོ་ཞིང་།། ཁྲོས་པའི་སེམས་ཀྱིས་ཁྲི་བཟླས་ན།། སྐད་ཅིག་ཙམ
126a6 བྱིགྱིས་འཆི་བ་ནི། ། དེ་ཡི་ཁྱིམ་མམ་དུར་དུ་སྭ།། དེ་ལྟའི་ལས་ཀྱི་དེ་འགྲུབ་སྟེ།། མཚན་མོ་ཕྱེད་ན་ཁ་ལྷོར་བལྟ།། བདག་ཉིད་འཇིགས་པའི་གཟུགས་ཅན་ཏེ།། ཞལ་སོགས་སྔོན་དུ་གསུངས་པ་ལྟར།།
126a7 མ་ཧེའི་སྟེང་ན་མཆེ་བ་གཙིགས།། གསུས་ཁྱིམ་ཆེ་ལ་གྱེན་སྐྲ་འབར།། སྤུ་སོགས་གཞན་ཡང་དེ་འདྲའོ།། བ་སྤུ་དག་གི་བུ་ག་ནས།། འཇིགས་མཚོན་སྣ་ཚོགས་ཐོགས་པ་ཡི།། ཁྲོ་བོ་མང
iiif viewer powered by OpenSeadragon
