| e-texts navigator |
| Wylie |
124b1 འཁོར་ལོ་འདིར་ནི་བཅུག་པ་གང་།། སངས་རྒྱས་ཀྱང་ནི་ངེས་པར་འཇིག། དམ་ཆོས་སྨོད་པའང་དེ་བཞིན་ཞི།། འཁོར་ལོས་སྒྱུར་བའང་དབང་དུ་འདུ།། ལྷ་མིན་པྲ་ཏིའང་ཞི་བར་བྱེད།། དགྲ་བཅོམ་གསོད
124b2 པའང་དེ་ཞི་ལ། ། བརྒྱ་བྱིན་ཉིད་ཀྱང་དབང་དུ་ངེས།། དེ་ལྟ་བུ་ཡི་འཁོར་ལོ་དེ།། ཐོག་མར་བྲིས་ཏེ་དེ་འོག་ཏུ།། བྱིན་བརླབས་མ་ནོར་དེ་ཉིད་ལ།། མཆོད་པ་གུས་པར་བདག་གིས་བྱ།། མཆོད་མིན་ལས་རྣམས
124b3 བྱེད་པ་ལ། ། འབྲས་བུ་འབྱུང་མིན་འཁྲུལ་པ་ལའང་།། འབྲས་མེད་ངལ་བ་ཉིད་ཡིན་ནོ།། ཡང་ལྷ་མོ་རོ་ལངས་མ་ཉིད་སྟན་ལས་ལངས་ཏེ་མཆོད་པ་ཆེན་པོ་བྱས་ཏེ་འདི་སྐད་ཅེས་གསོལ་བ་བཏབ་བོ།། འཁོར་ལོ།
124b4 འདྲི་བའི་སྣག་ཚ་གང་།། བྲི་གཞི་སྨྱུ་གུ་ཇི་ལྟ་བུ།། གཅིག་གམ་འོན་ཏེ་དེ་ཐ་དད།། བཅོམ་ལྡན་འདས་ཀྱིས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ།། དེའི
124b5 ཕྱིར་ལེགས་པར་ཉོན་ལ་ཡིད་ལ་ཟུང་ཞིག་དང་ངས་བཤད་དོ། ། ཇི་ལྟར་ལས་རྣམས་བྱེ་བྲག་ཡོད་པ་ལྟར།། བྲི་བའི་གནས་དང་བཞུགས་པའི་གནས།། ཐ་དད་དེ་བཞིན་འཁོར་ལོ་སྒྲུབ།། སྣག་ཆེ་ཐ་དད་འབྲུ
124b6 རྣམས་བཞིན། ། གྲོང་ཁྱེར་ཆེན་པོ་བསྲུང་འདོད་དམ།། སྐྱེས་པ་བསྲུང་བར་འདོད་ན་ཡང་།། གྲོ་ག་དེ་བཞིན་ཨུ་བྷི་ཤུན།། ཟླ་གོར་ཞོ་ཤའི་ཤུན་པ་འམ།། རས་ལ་ཁ་ཆེས་འཁོར་ལོ་ནི།། བསྐུལ་བའི་ཚིག
124b7 དང་ལྡན་པར་རོ། ། སོ་མ་བཏང་བའི་ཁམ་པོར་དུ།། སྡང་མར་དག་དབུས་འཁོར་ལོ་གཞུག། སྐུད་པ་དཀར་པོས་ལེགས་པར་དཀྲི།། ནང་པར་ཤར་དུ་ཁ་བལྟས་ཏེ།། མེ་ཏོག་དཀར་པོ་དག་གིས་མཆོད།
iiif viewer powered by OpenSeadragon
