| e-texts navigator |
| Wylie |
124a1 མི་ལྡོག་པ་ཡི་སེམས་སུ་གནས།། བྱང་ཆུབ་ཆུ་ཡིས་ར་རོ་ཞིང་།། ཤེས་རབ་ཕ་རོལ་ཕྱིན་པ་ཡི།། ཕྱག་རྒྱ་ཆེ་ལ་དེ་གཞོལ་ཏེ།། ངོ་བོ་དང་བྲལ་དངོས་པོ་འཇིག། མ་བྱིན་བྱང་ཆུབ
124a2 བླང་བ་ལ། ། བརྩོན་པས་ལེ་ལོ་དོར་བར་བྱ།། བརྫུན་དུ་ཤེས་བྱ་དངོས་པོ་རྣམས།། དེ་ནས་དེ་བཞིན་གཞན་ལ་བརྗོད།། རྒྱས་བཏབ་པ་ཡི་དངོས་པོ་ལ།། རྒྱ་བཤིག་ཤེས་རབ་རལ་གྲི་ཡིས།། བཅད
124a3 ཅིང་རྣམ་པ་མེད་པ་ལ། ། བསད་པ་ཡང་ནི་ང་ཡིས་བསྒྲགས།། ཨུ་མེད་པ་ཡི་ཡི་གེ་རྣམས།། སྟེང་གི་གཡས་ཕྱོགས་ཉིད་ནས་བྲི།། འོག་གི་ཡི་གེ་བྲི་བ་ནི།། དེ་ཉིད་གཡོན་གྱི་ཕྱོགས་ནས་བྲི།།
124a4 ཨཱ་ལི་ཀཱ་ལི་ངེས་བྲིས་ཏེ།། ཀྵ་མ་གཏོགས་པར་དབུས་སྟོང་སྟེ།། དེ་ལ་བགེགས་ཀྱི་མཚན་མ་འམ།། མིང་སྲོག་ངེས་པར་བྲི་བ་ཡང་།། ལྟོ་བའི་ནང་དུ་ཆུད་པར་བྲི།། འཁོར་ལོ་ཉིད་ཀྱང་དེ་འདྲ་བ།།
124a5 བཞི་དག་ཏུ་བྲི་བ་ནི།། མ་ནིང་འདོད་པའི་ཀཱ་ལི་དང་།། ཨཱ་ལི་མིན་ཏེ་ལྷག་མ་ཡིན།། གདུག་པའི་ཡི་གེ་བཅུ་བཞི་པོ།། མིང་དང་བཅས་པར་ཕྱོགས་བཞིར་བྲི།། དབྱངས་ཀྱི་ཡི་གེ་བཞི་པ་ཡིས།། བཞི
124a6 པ་གཅིག་གི་མགོ་སྟེངས་སུ། ། གསུམ་སྐོར་ཉིད་ནི་ཤིས་པ་ཡིན།། ལས་ཀུན་བྱེད་པའི་འཁོར་ལོ་དེ།། འདྲི་བར་བྱེད་པའི་སྤྱི་དུས་དང་།། ཁྱད་པར་དུས་ཚེས་ལྷ་ཡི་ནི།། རྣལ་འབྱོར་མེད་པས་བྱ་བ་མིན།།
124a7 ཕྱོགས་སུ་བལྟ་བའི་བྱེ་བྲག་གིས།། ལས་ཀྱི་སྒྲུབ་པོས་ཤེས་པར་བྱ།། ལས་ཀུན་བྱེད་པའི་འཁོར་ལོ་ནོ།། བདེ་གཤེགས་ཀུན་གྱི་སྙིང་པོ་སྟེ།། དེ་བཞིན་གཤེགས་པའི་གསང་བའང་ཡིན།
iiif viewer powered by OpenSeadragon
