| e-texts navigator |
| Wylie |
123b1 དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་མཆོད་པའི་སྔགས་འདི་གསུངས་སོ།། ཨོཾ་ཨརྒྷཾ་པྲ་ཏཱིཙྪ་སྭཱ་ཧཱ། པྲ་བར་སད་ཀཱ་ར་པྲ་ཏཱིཙྪ་སྭཱ་ཧཱ། ནག
123b2 པོ་ར་རི་མེད་པ་ཡི། ། བུམ་པ་ལྟོ་ཆེ་བྲེ་ཚང་བ།། མཆུ་འཕྱང་མགྲིན་རིང་གདན་ལྡན་པར།། སྙིང་པོར་ལྡན་པའི་སྨན་སོགས་གཞུག། མགྲིན་པར་རས་བཟང་དག་གིས་དཀྲི།། འདབ་མར་ལྡན་པའི།།
123b3 ལྕུག་མ་ཡང་།། དྲི་དང་ལྡན་པའི་ཁ་རྒྱན་ཏེ།། བདུད་རྩིར་ལྡན་པ་ཡིས་ཀྱང་མཆོད།། བླ་རེ་གདུགས་དང་རྒྱལ་མཚན་དང་།། བ་དན་སིལ་སྙན་རོལ་མོ་ཡིས།། གུས་པས་དཀྱིལ་འཁོར་ལ་ཡང
123b4 མཆོད། ། འཛམ་བུའི་གླིང་ངམ་གླིང་གཞན་དག། ནོར་བུ་རིན་ཆེན་བཀང་བ་ཡང་།། སྟོང་གསུམ་ལ་སོགས་དེ་བཞིན་ཏེ།། ཞུམ་པ་མེད་པར་བྱས་ཏེ་དབུལ།། བློ་ལྡན་སྒྲུབ་པོས་སེམས་ཅན་ལ།
123b5 ཕན་པའི་སེམས་ཀྱིས་སྲོག་མི་གཅོད།། མ་བྱིན་པར་ཡང་མི་བླང་ངོ་།། འདོད་པ་མི་སྤྱོད་བརྫུན་མི་སྨྲ།། གནོད་པའི་རྒྱུད་ཕྱིར་ཆང་མི་བཏུང་།། གདུག་པ་རྣམས་ལ་བཟློག་སྟེ་བྱ།། དངོས་སུའམ
123b6 ཡང་ན་སྔགས་དང་གཞན། ། འཁྲུལ་འཁོར་དང་ནི་ཏིང་ངེ་འཛིན།། སྨན་གྱིས་ཀྱང་ནི་བྱ་བ་སྟེ།། དེ་ལྟར་མི་བྱེད་དེ་ཡི་ནི།། ངེས་པར་དམ་ཚིག་ཉམས་པར་འགྱུར།། གདོན་དང་ལོག་འདྲེན་དག་གོས
123b7 ཀྱང་། ། ངེས་པར་འཆི་སྟེ་དམྱལ་བར་ནི།། ཡུན་རིངས་སྡུག་བསྔལ་གྱིས་སྡུག་སྟེ།། དེ་བས་ནན་ཏན་ལྡན་པ་རུ།། བཟོད་པ་མི་སྐྱོད་སྙིང་རྗེ་ཡིས།། སྔགས་ཀྱིས་ངེས་པར་གསད་པར་བྱ།།
iiif viewer powered by OpenSeadragon
