| e-texts navigator |
| Wylie |
122b1 མིན་པའང་མ་ཡིན་ཏེ། ། སྤོས་བྲལ་ཇོ་བོ་མེད་པར་སྒོམ།། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཨུ྅6། རཾ་ལས་ཉི་མ་རྣམ་བསྒོམས་ཏེ།། དེ་དབུས་ལས་ཀྱི་རྡོ་རྗེ་ནི།། ཀུན་ཏུ་རྩེ་ལྔའི་རང་བཞིན་ཏེ།
122b2 དེ་དབུས་ཧཱུཾ་ལས་རྡོ་རྗེ་ནི།། ཀུན་ཏུ་ཕྲ་མོས་བགེགས་བཅོམ་སྟེ།། ར་བ་གུར་དང་ས་གཞི་ཡང་།། དེ་ཡི་འོག་ཏུ་ངེས་པར་སྒོམ།། གྲུ་གསུམ་གྱེན་བསྒྲེང་དཀར་པོ་ནི།། ཤིན་ཏུ་གསལ་བར་བདག་གིས
122b3 དམིགས། ། ཞེ་སྡང་ལས་ནི་སྔར་མ་བྱུང་།། བྱུང་ཞིང་འབྱུང་བར་མི་འགྱུར་རོ།། བྱང་ཆུབ་སེམས་ལ་གཞོལ་བ་དང་།། གཏོང་ཞིང་ཐོས་པའི་ཁེངས་པ་མེད།། ལེ་ལོ་བཅོམ་ཞིང་ཁྲོ་བ་མེད།།
122b4 སེར་སྣ་མེད་དེ་གཡོ་ཡང་མེད།། སྒྱུ་སྤངས་ཤེས་རབ་གསལ་བ་དང་།། གཅིག་ཏུ་ཐེག་པ་ཆེ་ལ་གཞོལ།། དེ་ནི་དཀའ་བ་མེད་པར་ཡང་།། གཞན་གྱི་དོན་དུ་འདི་བརྩམས་ན།། གྲངས་ནི་བྱེ
122b5 བ་ཚང་བ་ཡིས། ། བཅུ་བཞིར་ཚང་བའི་གསང་སྔགས་ཀྱིས།། ལས་རྣམས་ཀུན་གྲུབ་ཐེ་ཚོམ་མེད།། ཡང་ལྷ་མོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དེ་ཡི་འཁྲུལ་འཁོར
122b6 ཇི་ལྟ་བུ། ། ཡི་གེ་རྣམས་ནི་ཇི་ལྟར་བྲི།། བཅོམ་ལྡན་འདས་ཀྱིས་བཀའ་སྩལ་པ།། བདུན་ཚན་བདུན་དང་ལྡན་པ་ཡི།། རེ་མིག་ལེགས་པར་བྲི་བར་བྱ།། ལས་ཀུན་བྱེད་པའི་འཁོར་ལོ་ལ།།
122b7 མཆོད་པ་ཡིས་ཀྱང་ལེགས་མཆོད་ལ།། དེ་འོག་ལས་རྣམས་བརྩམ་པར་བྱ།། བཟླས་པའི་མཚན་མ་རྨི་ལམ་མམ།། མངོན་སུམ་བྱུང་བར་གྱུར་ནས་ཀྱང་།། འཁྲུལ་འཁོར་རྣམས་ནི་བྲི
iiif viewer powered by OpenSeadragon
