| e-texts navigator |
| Wylie |
122a1 སྭ་བྷཱ་བ་ཨཱཏྨ་ཀོརྒ། ཨོཾ་སརྦ་ཏ་ཐཱ་ག་ཏ་བཱ་ཀ་བཛྲ་སྭ་བྷཱ་བ་ཨཱཏྨ་ཀོ་རཧཱ། ཨོཾ་སརྦ་ཏ་ཐཱག་ཙིཏྟ་བཛྲ་སྭ་བྷཱ་བ་ཨཱཏྨ་ཀོཧཾ། མིག་སོགས་བྱིན་གྱིས་བརླབ་པ་ལ།། གཏི་མུག
122a2 རྡོ་རྗེ་སོགས་ཀྱིས་གསུངས། ། དབང་སྦུབས་སྟོང་པ་ཉིད་བྱས་ཏེ།། སྙིང་པོ་འམ་མིང་གི་ཡི་གེ་ཡིས།། རིགས་ཀྱིས་ཕྱག་མཚན་བསྣམས་པ་ཡི།། སྐུ་རྣམས་ངེས་པར་བསྐྱེད་པས་སོ།། དེ་ནས
122a3 བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་བདག་བདུད་རྩི་མྱང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་སྔགས་འདི་གསུངས་སོ། ། ཨོཾ་ཨཱཿཧཱུཾ། དག་ཅིང་འབར
122a4 བ་རྣམ་བརྟགས་ཏེ། ། ཉི་མའི་དཀྱིལ་འཁོར་དབུས་གནས་པས།། ཞེ་སྡང་རྡོ་རྗེའི་བདག་པོ་སྟེ།། ཟླ་བའི་དབུས་སུ་གཏི་མུག་བསམ།། རིན་ཆེན་དབུས་སུ་བསམ་པ་ཡང་།། སེར་སྣ་ཉིད་དུ་བསམ
122a5 པར་བྱ། ། པདྨའི་དབུས་སུ་འདོད་ཆགས་བསམ།། སྣ་ཚོགས་དབུས་སུ་ཕྲག་དོག་བསམ།། བསམ་བྱ་ལྗགས་ལ་ས་བོན་ཏེ།། འཕྲོས་པས་བཀུག་སྟེ་ཚིམ་པར་བྱ།། ཤར་ནི་དཀར་པོ་ཆེན་པོ
122a6 སྟེ། ། ལྷོ་ནི་སེར་པོ་ཉིད་དུའོ།། ནུབ་ནི་དམར་པོར་ངེས་པར་ཤེས།། བྱངན་ལྗང་ཁུར་ཡང་དག་ལྡན།། དེ་ལས་དེ་བཞིན་རེ་བའི་རིམ།། དཀྱིལ་འཁོར་སྒོམ་པའི་ཚེ་ན་ཡང་།། བྱམས་དང་སྙིང་རྗེ
122a7 དགའ་བཏང་སྙོམས། ། ཚད་མེད་པ་ཡི་རིམ་པ་ཡིས།། སེམས་ཅན་རྣམས་ལ་ཕན་གདགས་ཕྱིར།། བརྟན་དང་གཡོ་བའི་དངོས་པོ་རྣམས།། ཡོད་མིན་མེད་མིན་གཉིས་ཀ་མིན།། གཉིས་ཀ
iiif viewer powered by OpenSeadragon
