| e-texts navigator |
| Wylie |
119a1 སྔོན་གྱི་ཐུགས་དམ་ལས་མི་འདའ།། མི་འགྲུབ་པ་ནི་མི་སྲིད་དོ།། ཡ་མ་རཱ་ཛ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་སོ་ནི་ར་ཡ་ཀཱ་ཡ། ཡཀྵེ་ཡཙྪ་ནི་རཱ་མ་ཡ་ཧཱུཾ་ཧཱུ་ཕཊ།
119a2 ཕཊ།། དེ་སྐད་སྨྲས་པ་དང་།། རྡོ་རྗེ་འཇིགས་བྱེད་ཆེན་པོ་ཡིས།། ཆོས་ཀྱི་རྒྱལ་པོ་ལ་སོགས་པ།། གཤིན་རྗེའི་ཕོ་ཉ་ལ་སོགས་ཀུན།། སྒྲོལ་བའི་གང་དུ་བྱིན་གྱིས་བརླབས།། མ་དང་སྲིང་མ་བུ
119a3 ། མོ་དང་།། འཁོར་བཅས་ཀུན་ལ་བཀའ་བསྒོ་བ།། ལྔ་བརྒྱ་དུས་ཀྱི་མཐའ་མ་ལ།། ང་ཡི་བསྟན་པ་འབྱུང་བའི་ཚེ།། རྣལ་འབྱོར་རིག་འཛིན་ལྡན་པ་ལ།། བཀའ་བསྒོའི་ལས་རྣམས་ཚུལ་བཞིན་གྱིས།།
119a4 ཞེས་པས་དམ་བཅས་པས་དང་། མནན་བཞིན་དུ་མནའ་བོར་རོ།། གཏམ་རྒྱུད་ཀྱི་རྟོག་པ་རྫོགས་སོ།། རྒྱ་གར་སྐད་དུ། ཡ་མཱ་རི་ཀྲྀཥྞ་ཀརྨ
119a5 སརྦ་ཙཀྲ་སིདྡྷ་ཀ་ར་ནཱ་མ་ཏནྟྲ་རཱ་ཛ། བོད་སྐད་དུ། གཤིན་རྗེ་གཤེད་དགྲ་ནག་པོའི་འཁོར་ལོ་ལས་ཐམས་ཅད་འགྲུབ་པར་བྱེད་པ་ཞེས་བྱ་བའི་རྒྱུད་ཀྱི་རྒྱལ་པོ། བཅོམ་ལྡན་འདས་རྡོ་རྗེ་མཁའ་འགྲོ་ལ
119a6 ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེའི་བཙུན་མོའི་བྷ་ག་ལ་གཏི་མུཀ
119a7 རྡོརྗེ་དང་། སེར་སྣ་རྡོ་རྗེ་དང་། འདོད་ཆགས་རྡོ་རྗེ་དང་། ཕྲག་དོག་རྡོ་རྗེ་དང་། ས་རྡོ་རྗེ་དང་། ཆུ་རྡོ་རྗེ་དང་། མེ་རྡོ་རྗེ་དང་། རླུང་རྡོ་རྗེ་དང་། བྱང་ཆུབ་ཀྱི་སེམས་བདེ་བ་ཆེན་པོ་མ་དང་། ཡོན་ཏན
iiif viewer powered by OpenSeadragon
