| e-texts navigator |
| Wylie |
117a1 ལས་ཀྱི་ལྷག་ཆད་བསྐང་། ། གྲངས་ཀྱི་ལས་ལ་ཁྱད་པར་དུ།། ལས་ཀྱི་གཙོར་ནི་གང་སྒྲུབ་དེའི།། འཁོར་ལོ་བསྐོར་བ་ཉི་མ་བཞི།། ལས་ཀྱི་བྱེ་བྲག་འདི་ཤེས།
117a2 ན།། ཞི་བས་འཇིགས་པ་བརྒྱད་ལས་སྐྱོབ།། རྒྱས་པ་ཡོན་ཏན་དྲུག་དང་འབྱོར།། དབང་གི་མོས་པ་རྣམ་བཞིར་བསྒྱུར།། དབྱེ་བས་གསང་སྡེ་བརྒྱད་དང་འབྱེད།། མནན་པས་དབང་པོ
117a3 དྲུག་འཆིང་བྱེད། ། གཞན་ཡང་ཇི་ལྟ་དེ་བཞིན་དུ།། སྔགས་དང་རྫས་ཀྱི་སྦྱོར་བ་ལ།། དཔྱད་ན་དངོས་གྲུབ་མི་འགྲུབ་སྟེ།། གལ་ཏེ་ཡིད་གཉིས་ཟ་གྱུར་ཏམ།། བསམ་པ་འགྱུར་རམ་དད
117a4 པ་ཉམས། ། དེ་ཚེ་དངོས་གྲུབ་ཉེ་བ་ཡང་།། ཕྱིར་བཟློག་འགྱུར་བར་གདོན་མི་ཟ།། དད་པ་བརྟན་པར་བསྒྲུབས་པས་ན།། ནམ་མཁའ་མེད་པར་གྱུར་ན་ཡང་།། སྔགས་ཀྱི་དངོས་གྲུབ
117a5 མེད་མི་སྲིད། ། ལྷ་དང་དྲང་སྲོང་གིས་བཤད་པའི།། རིག་སྔགས་བསླུ་བ་མི་སྲིད་ན།། འདོད་ཆགས་བྲལ་བས་བཤད་པ་ཡི།། གསང་སྔགས་སྦྱོར་བས་བསླུ་བ་ནི།། མ་བྱུང
117a6 འབྱུང་བར་མི་འགྱུར་རོ། ། ཆོས་ཉིད་བསམ་གྱིས་མི་ཁྱབ་པའི།། དོན་ལ་ཐེ་ཚོམ་མེད་པ་ཡི།། མཁས་པ་ལ་ནི་དངོས་གྲུབ་ཉེ།། རྟོག་ཅིང་དཔྱོད་པའི་རྟོག་གེ་པ།། དེ་ལ་གྲུབ་པའི
117a7 དངོས་གྲུབ་རིང་། ། མན་ངག་དམ་པ་བསྟན་བྱས་ཀྱང་།། སློབ་མ་ཡིད་གཉིས་ཟ་གྱུར་ན།། དེ་ལ་དངོས་གྲུབ་རིང་བར་བཤད།། བླ་མས་མནག་སྦས་བྱས་ཀྱང་།། སློབ་མ་ཡིད་གཉིས
iiif viewer powered by OpenSeadragon
