| e-texts navigator |
| Wylie |
116b1 སྔགས་སྒྲ་ནི་ལོག་པར་འགྱུར། ། གསང་སྔགས་བརྡ་ཡིས་མ་བརྗོད་ན།། སྔགས་ནི་དངོས་གྲུབ་མེད་པར་འགྱུར།། དྲང་བ་དག་ནི་མ་བྱས་ན།། ཤིན་ཏུ་འཁོར་བར་མི་འགྱུར་རོ།། ཡི་གེ་བསྲེ་བ
116b2 མ་བྱས་ན། ། བཅུ་དྲུག་ཁང་པ་དོན་མེད་འགྱུར།། བསྐོར་ཕྱོགས་ལོག་ན་དོན་མི་འགྲུབ།། རིག་སྔགས་ཉམས་དང་ལོག་པ་ནི།། ལྷ་མིན་གཡུལ་ལས་ཕམ་པ་དང་།། དབང་པོ་དགྲ་ཡིས་བསད
116b3 བཞིན་ནོ། ། འཁོར་ལོ་སྤྲོ་བ་མ་བྱས་ན།། ཆོ་ག་དག་ནི་ཉམས་པར་འགྱུར།། རྒྱུ་ཡིན་པ་དང་སྦྱོར་བ་དང་།། དད་པ་བརྟན་པས་འགྲུབ་པར་འགྱུར།། དེ་བས་ནན་ཏན་བསྐྱེད་དེ་བྱ།། དཔའ
116b4 གཤིན་རྗེ་གཤེད་ཀྱི་འཁོར་ལོ་བྲི་བའི་ཆོ་གའོ། ། རྫོགས་སོ།། ། དེ་ནས་གཞན་ཡང་བཤད་པ་ནི།། ལས་ཀྱི་འགྲོགས་ཀྱིས་བྱེད་པ་སྟེ།། ཞི་བའི་ལས་ནི་བླ་བ
116b5 ཡིན། ། རྒྱས་པ་དེ་བཞིན་མིག་ཏུ་བསྒྲགས།། དབྱེ་བ་ཡོན་ཏན་ཞེས་བྱ་སྟེ།། དབང་དུ་བྱ་བ་རིག་བྱེད་ཡིན།། དགུག་པའི་ལས་ལ་དེ་བཞིན་མངའ།། བསྐྲད་དང་མནན་པ་དབང་པོ
116b6 བཞིན། ། མནན་པའི་རྗེས་སུ་འབྲངས་པ་ཡིས།། གསད་པའི་ལས་ནི་རྒྱ་མཚོར་འདོད།། ལས་རྣམས་དེ་དག་རེ་རེ་ཡང་།། འཕགས་ཚོགས་མཆོད་སྦྱིན་དང་པོ་སྟེ།། ཉི་མ་གཉིས
116b7 པ་གཏོར་མ་སྦྱིན། ། གསུམ་པ་བཟླས་པ་རྣམ་པར་འབད།། བཞི་པ་སྦྱིན་སྲེག་ཚང་བར་བྱ།། ལྔ་པ་ལས་ཀྱི་འཁོར་ལོ་བསྐོར།། དྲུག་པ་བསམ་གཏན་རྩེ་གཅིག་བྱ།། བདུན་པ
iiif viewer powered by OpenSeadragon
