| e-texts navigator |
| Wylie |
115a1 ཤར་གྱི་ཚངས་ཐིག་ངོས་གཉིས་ནས།། ཡི་གེ་ཟུང་ལྡན་དྲངས་ནས་ནི།། དབུས་ཀྱི་ཁང་པར་གཞབ་པར་བྱ།། ཕྱོགས་གཞན་ཚངས་ཐིག་ངོས་དག་ན།། དེ་བཞིན་ཟུང་ལྡན
115a2 དྲངས་ནས་ནི། ། དེ་བཞིན་དབུས་ཀྱི་ཁང་པར་གཞག། དེ་ན་ཤར་གྱི་ཡི་གེ་ཡང་། རིམ་པ་གཉིས་པའི་ཁང་པར་དྲངས།། ཕྱོགས་གཞན་དུ་ཡང་དེ་བཞིན་ནོ།། ཤར་གྱི་ཟུང་ལྡན་གསུམ་པ་ཡང་།།
115a3 རིམ་པ་གསུམ་པའི་ཁང་པར་དྲང་།། ཕྱོགས་གཞན་དུ་ཡང་དེ་བཞིན་ནོ།། མཚམས་ཀྱི་ཡི་གེ་ཡ་བྲལ་འདིས།། རང་རང་གི་ནི་མཚམས་སུ་དྲང་།། དེ་དག་ཕྱུང་བའི་ཁོང་སྟོང་དུ།། དབྱངས་ཀྱི་ཡི་གེ
115a4 དྲང་བར་བྱ། ། དབྱངས་ཀྱི་ཡི་གེ་བཞི་ལ་ནི།། མིང་གི་ཡི་གེ་དྲང་བར་བྱ།། སོ་སོའི་ལས་དང་མཐུན་པ་ཡི།། བསྐུལ་བའི་ཡི་གེ་དགོད་པར་བྱ།། གསད་དང་བསྐད་དང་དབྱེ་བ་ལ།། ཡི་གེ་ཕཊ་ནི
115a5 གཞག་པར་བྱ། ། མནན་པ་ལ་ཡང་ཡི་གེ་ལཾ།། ཞི་བ་ལ་ནི་ཡི་གེ་ཨཽ།། རྒྱས་པ་དེ་བཞིན་ཡི་གེ་སྭ།། དབང་ལ་བོ་གྱིས་བརྒྱན་པ་སྟེ།། འགུག་པ་ལ་ནི་ཡི་གེ་ཛ།། དེ་ལ་ལས་ཀྱི་འོད་ཟེར་ནི།།
115a6 ཞི་བ་ཆུ་སྟེ་རྒྱས་པ་ས།། དབང་ནི་རླུང་སྟེ་དྲག་པོ་མེ།། དབྱེ་དགུག་བསྐྲད་པ་དབང་དང་མཐུན།། མནན་པ་དག་ནི་རྒྱས་པ་བཞིན།། དྲང་བའི་སྦྱོར་བ་བྱས་ནས་ནི།། བསྲེ་བའི་སྦྱོར་བ་བརྩམ་པར་བྱ།།
115a7 གཉིས་མེད་སྔགས་དང་ལྡན་པ་ཡིས།། དབུས་ཀྱི་བཀྲ་ཤིས་ཡི་གེ་ཡང་།། ཟླ་ལྟར་འོད་ཀྱི་གོང་བུར་བྱ།། སྔགས་ཀྱི་རྒྱལ་པོ་བཅུ་པ་ཡང་།། འོད་ཀྱི་གོང་དུ་དེ་ནང་དུ། འདོད་པའི་བསྒྲུབ་བྱ་གཞག
iiif viewer powered by OpenSeadragon
