| e-texts navigator |
| Wylie |
113b1 འདིར་ཁམས་གསུམ་རྣམ་རྒྱལ་ཏེ། ། གཤིན་རྗེ་དགྲ་ཞེས་གྲགས་པ་ཡི།། འཁོར་ལོ་བསྐོར་བའི་ཆོ་ག་བཤད།། ཡོན་ཏན་ལྡན་པའི་སྔགས་པ་ཡིས།། ཆོ་ག་བཞིན་དུ་མཉེས་པར་བྱ།།
113b2 དུར་ཁྲོད་དབེན་པ་ལ་སོགས་པར།། དཀྱིལ་འཁོར་ཁྲུ་དོ་ཚད་དུ་བྱ།། དྲི་དང་བ་ཡི་རྣམ་ལྔ་དང་།། ཉི་ཟླ་སོགས་པ་བྱི་དོར་བྱ།། བ་གླང་ལ་སོགས་དམ་རྫས་ལྔ།། གཞན་ཡང་ཚོགས་ཀྱི
113b3 འཁོར་ལོ་དང་། ། ཕྱི་ནང་ཕྱེད་པའི་བྱེ་བྲག་གིས།། ལེགས་པར་མཆོད་པ་བྱས་ནས་ནི།། འཁོར་ལོ་བྲི་དང་བཏུ་བ་དང་།། དྲང་བ་དང་ནི་སྤོ་བ་བརྩམས།། སྔགས་པ་རྣལ་འབྱོར་ལྡན་པ
113b4 ཡིས། ། ལྷོ་ཡི་ཕྱོགས་སུ་ཁ་བལྟས་ཏེ།། དམ་ཚིག་རྗེས་སུ་དྲན་པ་ཡིས།། ཨོཾ་བཛྲ་ས་མ་ཡ་སྟྭཾ། གསང་སྔགས་འདི་ནི་རྗེས་དྲན་བྱེད།། འཁོར་ལོ་བྲི་བ་བརྩམ་པར་བྱ།།
113b5 དབུས་ནས་སོར་ཚད་བཅུ་དྲུག་པར།། ཀུན་ནས་ཟླུམ་པོས་བསྐོར་ན་ནི།། འདི་ནི་ནང་གི་དཀྱིལ་འཁོར་ཏེ།། རིམ་པ་གསུམ་དུ་བསྐོར་བ་ལ།། སྒོ་མེད་ལྕགས་མཁར་བཅུ་དྲུག་བྱ
113b6 འདི་ནི་གཤིན་རྗེའི་གྲོང་ཁྱེར་ཏེ། ། སྲིད་པ་གསུམ་གྱི་འཇུགས་ས་ཡིན།། དེ་ཡི་ཕྱི་རིམ་མུ་ཁྱུད་གསུམ།། ཀུན་ཏུ་ལྕགས་རིས་བསྐོར་བ་སྟེ།། མུ་ཁྱུད་དེ་དག་རེ་རེ་ཡང་།། ཁང་པ
113b7 སུམ་ཅུ་གཉིས་དང་ལྡན། ། འགྲོ་བའི་ཆོས་བཞིན་གསོད་པ་ཡི།། འཁོར་ལོ་འདི་ལྟར་བྲིས་ནས་ནི།། ཕྱི་རོལ་མུ་ཁྱུད་མཐའ་མ་ལ།། ཡི་གེ་ཀ་སོགས་ད་ཡིག་མཐར།། ངཉ
iiif viewer powered by OpenSeadragon
