| e-texts navigator |
| Wylie |
359a1 མར་མེ་མ། ། བདག་ཉིད་དཀྱིལ་འཁོར་གསལ་མཛད་མ།། བཛྲ་ཨཱ་ལོ་ཀེ་པཱུ་ཛ་མེ་ཧཱུཾ། ཇི་སྲིད་ཐམས་ཅད་མཆོད་པ་ཆེ།། ཇི་སྲིད་མཆོད་པ་བདེ་བ་ཆེ།། ཇི་སྲིད་མཆོད་པ་བླ་ན་མེད།། ཇི་སྲིད
359a2 མཆོད་པ་ཡང་དག་ཆེ། ། ཨེ་མ་ཧོ། ལེའུ་བཅུ་གཉིས་པའོ།། །། དེ་ནས་གཞན་ཡང་བཤད་བྱ་བ།། བཅོམ་ལྡན་གསང་བ་གོས་སྔོན་ཅན།། བསྡུ་བ་ཐབས་ཀྱི་ཏིང་འཛིན་གྱིས།།
359a3 འཁོར་གྱི་ཀླུ་རྣམས་སྡུད་མཛད་ནས།། མེ་ཡི་འཁོར་ལོ་སྙོམས་ཞུགས་ཚེ།། གསང་བ་མེ་ཡི་སྔགས་བཟླས་པས།། ཀླུ་རྣམས་མ་ལུས་ཚིག་པར་མཛད།། བྲལ་ནས་དཔག་ཚད་གནས་སུ་བྲོས།། སླར་བསྡུས་བདུད
359a4 རྩི་སྨན་གྱིས་གསོས། ། ལས་བཅོལ་སོ་སོའི་གནས་སུ་འཁོད།། དེ་ནས་ཁམས་གསུམ་རྣམ་པར་རྒྱལ།། ཐལ་མོ་སྦྱར་ནས་འདི་སྐད་གསོལ།། མེ་བརྒྱད་འཁོར་ལོའི་བདག་ཉིད་ཆེ།། རྟག་ཏུ་མེ་ཡི་ཏིང་འཛིན
359a5 ལཡ་སྙོམས་ཞུགས་ཁྱོད་ནི་རྒྱལ་གྱུར་ཅིག། བདེ་བའི་རོལ་མོ་མེ་གློང་དུ།། སྲེག་མཛད་མ་བརྒྱད་ཁྱོད་ཕྱག་འཚལ།། རང་བཞིན་རྣམ་དག་ཁྱོད་ཕྱག་འཚལ།། ཆུ་ཡི་ངང་ལ་གནས་འདོད་ན།། ཆུ་བརྒྱད་ཏིང་འཛིན
359a6 ལ་གནས་ཏེ། ། དེ་ཚེ་འཁོར་གྱིས་འདི་སྐད་བསྟོད།། ཆུ་བརྒྱད་འཁོར་ལོའི་བདག་ཉིད་ཆེ།། རྟག་པ་ཆུ་ཡི་དཀྱིལ་འཁོར་ཅན།། འབྱུང་བའི་གཙོ་བོའི་ཆུ་ཡི་བདག། ཆུ་བརྒྱད་མངའ་བདག་ཁྱོད་ཕྱག་འཚལ།།
359a7 རླུང་བརྒྱད་ཏིང་འཛིན་ལ་གནས་ན།། འཐོར་ཞིང་འབུད་པའི་བདག་ཉིད་ཆེ།། རླུང་ཆེན་དྲག་པོ་རྩལ་ཤུགས་ལྡན།། རླུང་ལྷ་གོས་སྔོན་ཁྱོད་ཕྱག་འཚལ།། ས་ཡི་ཏིང་འཛིན་ལ་གནས་ནས།། མི་གཡོ
iiif viewer powered by OpenSeadragon
