| e-texts navigator |
| Wylie |
356b1 གྷ་དང་པོས། ། དྲུག་པོ་དགའ་བའི་ས་བོན་ལྡན།། ལན་གཉིས་ལྡན་གྱུར་ལས་གྲུབ་པ།། གོང་མ་བཞིན་དུ་མཆོད་བྱེད་དོ།། ལེའུ་གསུམ་པའོ།། དེ་ནས་འཕགས་པ་ལག་ན་རྡོ་རྗེ་གོས
356b2 སྔོན་པོ་ཅན་སྣ་ཚོགས་མངོན་པར་འགྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ། ། ཨོཾ་བཛྲ་པཱ་ཎི་མ་ཧཱ་ལཀྵ་ནཱི་མཱཾ་བར་ད་ཧ་ནི་བཛྲ་རཱུ་པཊྚ། གང་ཞིག་ཏིང་འཛིན་རྣལ་འབྱོར་དེ།
356b3 ཉེས་པ་ཀུན་ལས་རབ་ཏུ་ཐར།། ལེགས་པའི་ཡོན་ཏན་ཐམས་ཅད་འཐོབ།། འབྲས་བུ་ཡང་དག་མངོན་པར་འགྲུབ།། སྔགས་ནི་གང་ཡིན་མིང་ཡིན་ཏེ།། གདུལ་བྱའི་མཐའ་དང་ལྡན་པ་ལ།། མཐའ་མ་ལས
356b4 སྔགས་མཐའ་དང་ལྡན། ། ལེའུ་བཞི་པའོ།། ། དེ་ནས་གོས་སྔོན་པོ་ཅན་འཁོར་ལོ་མངོན་པར་འགྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ།།
356b5 འབྱུང་བཞིའི་སངས་རྒྱས་རབ་བསྒོམས་ནས།། སོ་སོར་ལས་ཀྱིས་སྒོམ་པ་ནི།། མེ་བརྒྱད་རླུང་གཉིས་ལྡན་པར་བསམ།། ཆུ་བརྒྱད་དངོས་པོ་ཉིད་ཡིན་ཏེ།། དེ་བཞིན་ས་བརྒྱད་ཧཱུཾ་འབྲས་ལྡན།། རླུང་བརྒྱད་མེ
356b6 གཉིས་ལྡན་པ་སྟེ། ། འབྲས་བུ་རིམ་གྱིས་གནོད་སྦྱིན་གཙོ།། སྒྲུབ་པ་སྔགས་བཞིན་མངོན་པར་འགྲུབ།། ཨི་དང་སོ་སོའི་མཐའ་དང་ལྡན།། མེ་ལ་གོང་མས་མངོན་པར་འགྲུབ།། རྒྱུན་དུ་རྩ་བའི་གསང་སྔགས
356b7 བཟླས། ། ལེའུ་ལྔ་པའོ།། ། དེ་ནས་འཕགས་པ་གོས་སྔོན་གྱིས།། ལས་བཅུ་མངོན་པར་འགྲུབ་པར་ནི།། ཏིང་ངེ་འཛིན་ལ་སྙོམས་ཞུགས་ནས།། ལས་བཅུའི་སྦྱིན་སྲེག་འདི་གསུངས་སོ།།
iiif viewer powered by OpenSeadragon
