| e-texts navigator |
| Wylie |
430b1 ། དེ་ནས་གཞོན་ནུ་ཟླ་གཅན་འཛིན་བཟང་པོས་གང་གི་ཚེ་བསོད་སྙོམས་ལ་རྒྱལ་པོའི་ཁབ་ཏུ་ཞུགས་ནས། ཡང་འོད་མའི་ཚལ་དུ་ཞུགས་ཏེ་ལྷུང་བཟེད་བཀྲུ་བའི་ཕྱིར་རྫིང་བུ་རིང་པོར་ཞུགས
430b2 པ་ན། གྲགས་འཛིན་མའི་བུ་དགེ་སློང་དཀར་པོ་དང་འཁྲུལ་ནས་རྫིང་བུར་དྲངས་པ་དང་། དེའི་ཚེ་གཞོན་ནུ་སྒྲ་གཅན་འཛིན་བཟང་པོས་རིག་པ་འདི་བཟླས་སོ།། བཟླས་པ་ཙམ་གྱིས་ཇི་ལྟར
430b3 འགའ་ཞིག་རང་གི་ཁྱིམ་ནས་བྱུང་བ་བཞིན་དུ་སྒྲ་གཅན་འཛིན་བཟང་པོ་ཡང་དེ་བཞིན་དུ་བཅོམ་ལྡན་འདས་ཀྱི་ཐད་དུ་སོང་ངོ་། ། ཉེ་བར་སོང་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཡང
430b4 ལགས་ཁྱེད་ཀྱིས་བདག་ལ་གསང་སྔགས་གང་སྩལ་བའི་མཐུ་དེ་བདག་གིས་མཐོང་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། གང་དུ་མཐོང་། ཀླུ་རྣམས་ཀྱི་དྲུང་དུའོ།། དེ་ལྟ་བས
430b5 ན་བཅོམ་ལྡན་འདས་སྲོག་ཆགས་གཞན་དག་བསྲུང་བའི་སླད་དུ་སྔགས་འདི་བཅོམ་ལྡན་འདས་ཀྱིས་བསྟན་དུ་གསོལ། དེ་ནས་བཅོམ་ལྡན་འདས་ཀྱིས་དེའི་ཚེ་དེའི་དུས་སུ་སྔགས་འདི་དང་རྟོག་པ་འདི
430b6 ལག་ན་རྡོ་རྗེ་ལ་བསྐུར་ནས་ཉན་ཐོས་རྣམས་དང་། བྱང་ཆུབ་སེམས་དཔའ་རྣམས་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་ལ་བཀའ་དྲིན་གསལ་བར
430b7 བྱས་སོ། ། རིགས་ཀྱི་བུ་དེའི་ཕྱིར་གསང་སྔགས་འདི་དང་རྟོག་པ་འདི་ཙན་དན་གྱི་དཀྱིལ་འཁོར་བྱས་ནས་ཀློག་པར་བྱེད་པ་དེའི་ལུས་ལ་དུག་གི་གནོད་པ་མི་འབྱུང་།། དུག་གིས་འནི་བར་མི་འགྱུར།
iiif viewer powered by OpenSeadragon
