| e-texts navigator |
| Wylie |
426b1 བློ་ཡང་དེར་ནི་གནས་པར་འགྱུར།། དེ་ཡི་ཕྱིར་ན་ཅི་ནས་ཀྱང་།། གོས་དཀར་དག་གིས་བཙུན་མོར་འདོད།། དེ་ཉིད་དུག་ནི་ཞི་བྱེད་པས།། རྟ་མགྲིན་གྱི་ནི་གོ་འཕང་གནས།། འདོད་ཆགས་རྡོ་རྗེའི་ཚིག་འཐུང
426b2 བ། ། འགྲོ་བ་གསུམ་པོ་དབང་དུ་བྱེད།། འདོད་ཆགས་ཀྱི་རིགས་ཀྱི་རྒྱུད་སྒྲུབ་པའོ།། ། དེ་ནས་སྦྱོར་བ་གཞན་འབྱུང་བར་འགྱུར་ཏེ། དཀྱིལ་འཁོར་གྲུ་གསུམ་བྱས་ནས་ནི།། སླར་ཡང
426b3 གྲུ་གསུམ་གཞན་ཞིག་གོ། དབང་པོ་ཕྱོགས་ནས་བརྩམས་ནས་ནི།། ཨོཾ་ལ་སོགས་པ་མཁས་པས་བྲི།། མཚམས་དྲུག་ཏུ་ནི་ས་བོན་དྲུག། ཆོས་ཀྱི་ས་བོན་དཀྱིལ་དུའོ།། ཡི་གེ་ཕུ་ཡི་ནང་བྱས་པ།
426b4 དེ་ནི་སྒོ་ཡི་མ་ཐེམ་བྲི།། སྦྲུལ་བསྐྲད་པའི་རྒྱུད་དོ།། དེ་ནས་བུད་མེད་སྐལ་བ་དང་ལྡན་པར་བྱ་བའི་ཕྱིར། སྦྱོར་བ་གཞན་བཤད་པར་བྱ་སྟེ། འདབ་མ་བདུན་པའི་ཨུཏྤ་ལ་བྱས་ལ་དེ་ལ་ཡི་གེ་བདུན་སྦྱར་བར
426b5 བྱའོ། ། དེའི་ལྟེ་བ་ལ་ཧྲཱིཿགཉིས་ཀྱིས་བརྟེན་པའི་བསྒྲུབ་བྱའི་མིང་དབང་དུ་བྱ་བའི་ཆོ་ག་བཞིན་དུ་གྲོ་ག་འམ། ཡང་ན་མེ་ཏོག་དང་བཅས་པའི་རས་ལ་བྲིས་ལ་རི་ལུ་བྱས་ནས་དཔུང་པ་ལ་གདགས་པར་བྱའོ།།
426b6 བདག་པོ་བུད་མེད་བྲན་དུ་འགྱུར།། རྒྱལ་པོའང་ཞབས་འབྲིང་ཉིད་དུ་འགྱུར།། ཤིན་ཏུ་དག་ཅིང་གཙང་མ་ཡིས།། སྔགས་འདི་བཏུ་བར་བྱ་བ་ཡིན།། དབང་དུ་བྱ་བའི་ཆོ་གའོ།། སྲུང་བའི་དོན་དུ་འཁྲུལ
426b7 འཁོར་འབྱུང་བར་འགྱུར་ཏེ། ཨུཏྤལ་འདབ་བཞི་བྱས་ནས་ནི།། དེ་ལ་དབུས་སུ་ཟླ་བ་བྲི།། ཤར་དུ་མདའ་ནི་བྲི་བར་བྱ།། ལྷོ་ཉིད་དུ་ནི་གཞུ་བྲིའོ།། མི་འཇིགས་ལག་པ་ནུབ་ཏུའོ།། བྱང་དུ་ཨུཏྤལ་བྲི་བར
iiif viewer powered by OpenSeadragon
