| e-texts navigator |
| Wylie |
425a1 ཟླ་མཚན་གྱིས་གོས་པའི་རས་ལ་དཀྱིལ་འཁོར་གྲུ་གསུམ་བྲིས་ནས་དཀྱིལ་འཁོར་དུ་བསྒྲུབ་བྱ་དང་། སྒྲུབ་པ་པོའི་མིང་དང་བཅས་པའི་བསྐུལ་བའི་ཚིག་དང་བཅས་པར
425a2 བྲིས་ཏེ་ཆེ་གེ་མོ་བདག་གི་དབང་དུ་གྱུར་ཅིག་བྱས་ནས། དེ་ནས་རྩ་བའི་སྔགས་ཀྱིས་སྤེལ་ནས་རྒྱ་སྐྱེགས་ཀྱི་ཁུ་བ་དང་། ལག་པ་གཡོན་པའི་སྲིན་ལག་གི་ཁྲག་དང་། ག་པུར་དང་། གུར་ཀུམ་དང་།
425a3 གླ་རྩི་རྣམས་ཀྱི་ཚོན་རྩིས་བྲི་བར་བྱའོ།། ཤེས་རབ་འཕེལ་བར་འདོད་ན་ཐབ་ཁུང་དེ་ཉིད་དུ་ཨརྐའ་མ་ཀ་ར་ཝཱི་རའི་ཤིང་ལ་བྲམ་ཟེའི་སྦྱིན་སྲེག་གི་མེ་བླངས་ལ་སྦར་ལ། ཨ་ཏ་རུ་ཀའི་ཤའི་ཁྱིའི་མ་འམ
425a4 ཤུ་ཐག་གི་སྦྱིན་སྲེག་ཁྲི་བྱའོ། ། དུག་ཞི་བར་བྱེད་ན་ཐབ་ཁུང་དེ་ཉིད་དུ་ཙན་དན་གྱི་ཤིང་ལ་མེ་སྦར་ལ། པིན་ཏ་ཀ་རའི་མེ་ཏོག་གི་སྦྱིན་སྲེག་བྱའོ།། དེས་ནི་དུག་ཐམས་ཅད་ཞི་བར་འགུགས་པར་འགྱུར
425a5 རོ། ། སྣ་ཚོགས་ཀྱི་ཟུག་གཟེར་རྣམས་མེད་པར་བྱེད་ཅིང་ཞི་བར་བྱེད་དོ།། མཁའ་ལྡིང་གི་རིག་པའི་རྒྱུད་ཀྱི་ཆོ་གའོ།། ཁམས་གསུམ་པ་ཡི་ལམ་གནས་པའི།། བཙུན་མོར་གྲགས་པ་ཇི་སྙེད་པ།།
425a6 སྦྱིན་སྲེག་འཁྲུལ་འཁོར་སྦྱོར་བ་ཡིས།། དེ་ཀུན་བཀུག་ནས་སྤྱོད་པར་བྱེད།། བྱམས་པ་ཆགས་པའི་ལྟ་བ་ཡིས།། སེམས་དེ་ཡིས་ནི་དབང་དུ་བྱེད།། འགྲོ་བ་ཐམས་ཅད་དབང་བྱས་ནས།། སངས
425a7 རྒྱས་བྱང་ཆུབ་ངེས་པར་སྤྱོད། ། འདི་ནི་དབང་དུ་བྱ་བའི་ཆོ་གའོ།། རྣམ་པ་ཀུན་མཁྱེན་ཞེས་བྱ་བ།། ཤེས་རབ་མེད་པར་ཐོབ་མི་འགྱུར།། དེ་ཕྱིར་དེ་ཐོབ་འདོད་པ་གང་།། ཤེས་རབ་རྣོན་པོ་སྒྲུབ་པར་བྱ།།
iiif viewer powered by OpenSeadragon
