| e-texts navigator |
| Wylie |
424a1 འཇིག་པའི་རང་བཞིན་ནོ། ། དེ་ནི་ཆོས་དབྱིངས་གཟུགས་གཅིག་ཏུ།། སྒྲིབ་པ་ལྔ་པོ་སྤངས་པའོ།། ཟབ་ཅིང་རྒྱ་ནི་ཆེ་བའི་གཟུགས།། དེ་ཉིད་ངོ་བོར་དེ་ཉིད་བཞུགས།། གཉིས་ཀ།
424a2 ཡོད་པ་མ་ཡིན་ཕྱིར།། གདོད་ནས་ཡོད་པ་མ་ཡིན་ནོ།། དེ་ནི་གདོད་ནས་མ་སྐྱེས་པས།། སྐྱེ་བ་མ་ཡིན་འགག་མ་ཡིན།། བྱང་ཆུབ་སེམས་དཔའ་རྣམས་ཀྱིས་སྨྲས་པ། ལག་ན་རྡོ་རྗེ་སངས་རྒྱས་བཅོམ
424a3 ལྡན་འདས་ཁམས་གསུམ་ལ་རྗེས་སུ་སྟོན་པ་མཛད་པ། སྐྱེ་བ་མེད་པ། འགག་པ་མེད་པ་ཇི་ལྟ་བུ་ཡིན། སྨྲས་པ། ཀྱེ་བྱང་ཆུབ་སེམས་དཔའ་རྣམས་དེ་ཇི་སྙམ་དུ་སེམས། གང་སངས་རྒྱས་ཇི་སྙེད་པ
424a4 དེ་གང་ཞིག་ཡོད་པ་ཡིན་ནམ། འོན་ཏེ་མེད་པ་ཞིག་ཡིན། བྱང་ཆུབ་སེམས་དཔའ་རྣམས་ཀྱིས་སྨྲས་པ། ལག་ན་རྡོ་རྗེ་སངས་རྒྱས་རྣམས་ནི་ཡོད་པའང་མ་ཡིན་མེད་པའང་མ་ཡིན་ནོ།། ལག་ན་རྡོ་རྗེས་སྨྲས་པ
424a5 མ་སྐྱེས་པ་ནི་སྐྱེ་བ་ཡིན། ། སྐྱེས་པ་ཕྱིར་ཡང་སྐྱེ་མི་འགྱུར།། དོན་དམ་ཉིད་དུ་དཔྱད་ན་ནི།། དེ་ཕྱིར་གདོད་ནས་མ་སྐྱེས་པ།། དེ་བཞིན་འཆི་བ་འཆི་མི་འགྱུར།། འཆི་བ་མེད་པ་འཆི་བ་མིན།། མི་གནས་པ་ལ་གནྡ།
424a6 པ་མེད།། གནས་པ་དེ་ལ་གནས་མི་དགོས།། གལ་ཏེ་མ་སྐྱེས་ཉམས་འགྱུར་ཞིང་།། མ་སྐྱེས་པ་ཉིད་སྐྱེས་འགྱུར་ན།། རི་བོང་གི་ནི་རྭ་ཉིད་ཀྱང་།། སྐྱེ་བ་དང་ནི་འགག་པར་འགྱུར།། གང་ཚེ་ཡོད་པ་སྐྱེ
424a7 འགྱུར་ན། ། སྐྱེས་པ་སླར་ཡང་སྐྱེ་བར་འགྱུར།། གལ་ཏེ་མེད་པ་སྐྱེ་ན་ཡང་།། མོ་གཤམ་བུ་ཡང་སྐྱེ་བར་འགྱུར།། དེ་ཕྱིར་ཐམས་ཅད་མ་རིག་པ།། འདུ་བྱེད་གསུམ་གྱི་མཚན་ཉིད་ཡིན།། ཕུང་པོ་ལྔ
iiif viewer powered by OpenSeadragon
