| e-texts navigator |
| Wylie |
423a1 རིམ་པ་ཡིས། ། ཆོས་ཀྱི་སྐུ་ཡང་འཇུག་པར་མཛད།། གང་གིས་དེ་ཡི་གྲུབ་པའི་སྔགས།། སངས་རྒྱས་རྣམས་ཀྱིས་དེ་ཉིད་གསུངས།། དེ་ནས་བཅོམ་ལྡན་འདས་དེ་བཞིན་གཤེས།
423a2 པ་ཐམས་ཅད་ཀྱིས་དེ་ཉིད་ཀྱིས་ཉིད་ཀྱི་ཐུགས་ལ་རྣམ་པར་བརྟགས་ནས། བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ།། ལག་ན་རྡོ་རྗེ་ཇི་ལྟར་ན་སངས་རྒྱས་བཅོམ
423a3 ལྡན་འདས་ཀྱིས་རྡོ་རྗེའི་སྐུ་ཆོས་ཀྱི་དབྱིངས་ཀྱི་སྐུ་སའི་ཕྱོགས་གང་དུ་དུས་བྱེད་པར་འགྱུར་བ་ཡིན། དེ་ནས་ལག་ན་རྡོ་རྗེས། སངས་རྒྱས་དང་བྱང་ཆུབ་སེམས་དཔའ་དེ་དག་ལ་འདི་སྐད་ཅེས་གསོལ
423a4 ཏོ། གང་ཡང་བྱང་ཆུབ་སེམས་དཔའ་དག་གིས་འདི་སྐད་དུ། ཇི་ལྟར་ན་སངས་རྒྱས་བཅོམ་ལྡན་འདས་རྡོ་རྗེའི་སྐུ། ཆོས་ཀྱི་དབྱིངས་ཀྱི་སྐུ། མི་ཕྱེད་པའི་སྐུ་སའི་ཕྱོགས་འགའ་ཞིག་ཏུ་དུས་བྱེད་པར
423a5 འགྱུར་བ་ཡིན་ཞེས་སྨྲ། དེ་འདི་སྐད་ཉོན་ཅིག། བྱང་ཆུབ་སེམས་དཔའ་དག་གང་མྱ་ངན་ལས་འདས་པ་ཞེས་བྱ་བ་དེ་ནི་བདེ་བ་ཅན་དུ་འགྲོ་བའོ།། དེ་ནས་བྱང་ཆུབ་སེམས་དཔའ་རྣམས་ཀྱིས་སྨྲས
423a6 པ། ཅི་ལག་ན་རྡོ་རྗེ་སངས་རྒྱས་བཅོམ་ལྡན་འདས་རྣམས་ཆོས་སྐུ་སྤངས་ནས་བདེ་བ་ཅན་དུ་འགྲོ་འམ། རིགས་ཀྱི་བུ་འོན་ཏེ་སྤྲུལ་པའི་སྐུ་སྤངས་ནས་ལོངས་སྤྱོད་རྫོགས་པའི་སྐུས་བདེ་བ་ཅན་དུ་འགྲོ
423a7 བར་འགྱུར། ལག་ན་རྡོ་རྗེ་ཆོས་ཀྱི་སྐུ་སྤངས་ནས་འགྲོ་བར་འགྱུར་ཞེས་བྱ་བ་དེ་ཇི་ལྟ་བུ་ཡིན། ལག་ན་རྡོ་རྗེས་སྨྲས་པ། ཇི་ལྟར་སྒྱུ་མ་མཁན་གྱི་སྐྱེས་བུ་གང་ཞིག་གིས་དགོས་པའི་དོན་སྒྲུབ་པའི།
iiif viewer powered by OpenSeadragon
