| e-texts navigator |
| Wylie |
419a1 མྱོས་ཤིང་འགྱིངས་པའི་བུད་མེད་རྣམས་དང་ནི།། འཇིག་རྟེན་ཐམས་ཅད་ཀྱིས་ནི་མཆོད་པར་འགྱུར།། སྦྱོར་བ་གོམས་པས་ལྷ་མོ་མཛེས་རྣམས་ལ།། སྔགས་འཆང་དེས
419a2 ནི་ཇི་ལྟར་འདོད་པར་སྤྱོད། ། དེ་མིན་ཙམ་གྱིས་མཚུངས་མེད་དུག་ཅན་འབྲོས།། གདེངས་ཀའི་གཙོ་བོའི་འོད་ཀྱིས་དཔལ་ལྡན་དག་ཀྱང་ཉ་བཞིན་འགྱུར།། བཟླས་བརྗོད་ལྡན་པས་ངག་གི་དབང་ཕྱུག
419a3 བྱེད་འགྱུར་བས། ། རིག་པས་འགྱིངས་པའི་སྟོབས་ཅན་མཁས་པའང་ལན་མེད་བྱེད།། རིག་པ་འཛིན་པ་གླང་པོ་རྟ་ཡི་རྒྱབ་ཏུ་ཞོན་པ་དང་།། རིག་མ་མཛེས་པས་ལེགས་པར་འཁྱུད་ཅིང་མགུལ
419a4 ནས་འཇུས་པ་ལས། ། སྔགས་རིག་པ་ཡི་གཙོ་བོའི་སྟོབས་ཀྱིས་རྒྱལ་བར་འགྱུར།། མཐར་གྱུར་པ་ཡི་རྒྱལ་སྲིད་ལོངས་སྤྱོད་དག་ལ་ཡིད་ཀྱིས་སྤྱོད།། འདོད་པའི་ལྷ་ལས་དགའ་བའི་བུ་ལ་སོགས
419a5 པས་རི་ཁྲོད་མ། ། དེ་བཞིན་སྲེད་མེད་བུ་ལས་དཔའ་མོ་མི་ཕྱེད་པ་ལས་བདེ་སོགས་དང་།། ཚོགས་བདག་ལས་ནི་དྲི་མེད་དབྱངས་ཀྱི་དབང་ཕྱུག་དཀར་མོ་དང་།། ས་འཛིན་ལྷ་ལས་ཕུན་སུམ་ཚོགས་མའ
419a6 སྔགས་ཀྱིས་རྣམ་རྒྱལ་བྱེད། ། གསང་སྔགས་ལྡན་པར་བཅོམ་ལྡན་འདས་མ་གང་ཞིག་སྒོམ་བྱེད་པ།། དེས་ནི་སྣ་ཚོགས་གཏེར་དང་གསེར་དང་དངུལ་དང་རྣ་ཆ་དང་།། གོས་ལ་སོགས་པའི་ནོར་རྣམས
419a7 ཀུན་ལ་ཆེད་དུ་གང་བསམ་པ། ། སེམས་ཀྱིས་ཐམས་ཅད་མ་ལུས་ཀུན་ནས་ལོངས་སྤྱོད་བྱེད།། རྒྱལ་པོ་ལས་ནི་རྒྱལ་སྲིད་དབང་པོའི་ཡུལ་འདས་པ་ཡི་ཤིང་ལས་འབྲས་བུ་དང་།། ཀླུ་དང་ཀླུ་ནུང་རྒྱ་མཚོ་རྣམ
iiif viewer powered by OpenSeadragon
