| e-texts navigator |
| Wylie |
418a1 འགྱུར་ཞིང་། ། ལག་པ་དེ་བཞིན་རྐང་པ་དམར།། བྱ་ཡི་མིག་ཅན་ཨེ་ནྱའི་རྐང་།། དེས་ནི་སྒྲོལ་མ་བྲི་བར་བྱ།། དཔྱིད་ཀྱི་ཟླ་བ་དང་པོ་ཡི།། མྱ་ངན་མེད་པའི་ཚེས་བརྒྱད་ཉིན།། ཟུན་ནི
418a2 ཕྱེད་དང་གཉིས་པ་ལ། ། སྒྲོལ་མའི་མིག་ནི་བྲི་བར་བྱ།། མངར་གསུམ་བཟའ་ཞིང་ཉ་ལ་སོགས།། ཤ་དང་ཆང་ཡང་སྤང་བར་བྱ།། དམར་པོའི་གོས་ཀྱང་རྟག་ཏུ་བགོ། དམར་པོ་དྲི་ཡིས་རྟག་ཏུ་བྱུག། བྱམས
418a3 པའི་སེམས་ནི་བསྐྱེད་བྱས་ལ། ། ཐོ་རངས་ཁྲུས་བྱས་བསངས་ནས་སུ།། ལན་གསུམ་གོས་ནི་བརྗེས་ནས་སུ།། དབང་དུ་བྱེད་མ་ཡང་དག་བྲི།། ཞལ་གཅིག་མིག་ནི་ཡངས་པ་དང་།། ཕྱག་བཞི
418a4 མ་ལ་གུར་ཀུམ་མདོག། བཅུ་དྲུག་ལོ་ལོན་སྒེག་བཅས་འདྲ།། བུད་མེང་སྒྱུ་མ་རྒྱགས་པ་བྲི།། གཞོན་ནུ་མ་དམར་སེར་མོས་བྱས་པའི་སྐུད་པ་ལས་རས་བྱས་ལ། དེ་དང་ཐགས་མཁན་གཉིས་ཀ
418a5 ཟན་དང་འོ་མ་བཟའ་བར་བྱ་ཞིང་། དེ་ནས་པདྨའི་གདན་ལ་སྟོད་གཡོགས་དམར་པོའི་གོས་དང་བཅས་པར་རིན་པོ་ཆེའི་རྣ་ཆ་དང་། རིན་པོ་ཆེའི་ཅོད་པན་དང་། གཡས་མི་འཇིགས་པ་སྦྱིན་པ་དང་།
418a6 གཉིས་པས་མདའ་རྣ་རྩེར་འགེངས་པ། གཡོན་པས་གཞུ་འཛིན་པ་དང་། ཨུཏྤ་ལ་དམར་པོ་གཉིས་པ་ན་བསྣམས་པ་དང་། འོད་དཔག་མེད་ཅོད་པན་ན་བཞུགས་པ་རིའི་ཕུག་ན་གནས་པའི
418a7 ཀུ་རུ་ཀུལླེའོ། ། ཀུ་རུ་ཀུལླེའི་འོག་ཏུ་ནི་སྒྲ་གཅན་འཛིན་ནོ།། དེའི་སྟེང་དུ་འདོད་པའི་དབང་ཕྱུག་ཆུང་མ་དང་བཅས་པའོ།། འདོད་པའི་ལྷའི་སྟེང་དུ་ཟླ་བའི་དཀྱིལ་འཁོར་རོ།། དེ་ལ་པདྨ་དམར་པོའི
iiif viewer powered by OpenSeadragon
