| e-texts navigator |
| Wylie |
8b1 རླུང་དང་ཡེ་ཤེས་མེ། ། ལྷན་སྐྱེས་གཉིས་མེད་རྐྱེན་ཡིན་ཏེ།། དེ་ཉིད་སྤང་བར་མི་བྱ་ཞིང་།། ལས་ཀྱི་རླུང་དང་མེ་ཉིད་དང་།། གཞན་དུའང་དེ་ཉིད་སྦྱར་བྱ་དང་།། སྲིད་པ་ལེན་དང་བདེ་བ་ལེན།།
8b2 ལས་མི་སྤང་ཞིང་བདེ་བ་ཡང་།། མི་སྤང་བ་ནི་བཞི་པོའོ།། ལུས་དང་ལུས་ཀྱི་སྙིང་པོ་རྩ།། གནས་དང་གནས་ཆེན་མི་སྤང་བ།། ལྔ་པ་དྲུག་པ་ཡིན་པར་འདོད།། དེ་ཉིད་ཕྱི་དང་ནང་དུ་ཤེས།། ཕྱི
8b3 ནང་དབྱེ་བ་མ་སྤངས་པའོ། ། སྣང་བ་དང་ནི་མུན་པའི་ཆ།། གང་བ་དང་ནི་སྟོང་པའི་ཆར།། འཕོ་བ་མ་སྤངས་བརྒྱད་པའོ།། རྒྱུ་ཡི་གནས་དང་འབྲས་བུའི་གནས།། དེ་ཉིད་མི་སྤང་ཤེས་པར་བྱ།།
8b4 རིན་པོ་ཆེ་ཡི་ཕོ་བྲང་དུ།། རྟེན་ནི་མི་སྤང་ཤུ་ཀྲ་གཟུང་།། གལ་ཏེ་དེ་རུམ་ཟིན་ན།། ཤོར་བ་མི་སྤང་རོ་མར་བསྟིམ།། གཉེན་པོ་མི་སྤང་གཟུགས་སྐུ་གཉིས།། མ་སྤངས་པ་ནི་བཅུ་གཉིས་པའོ།།
8b5 ནོར་བུའི་རྟེན་ལས་སྐྱེས་པ་ཡི།། བདེ་བ་ལ་བརྟེན་དབང་པོ་ཡི།། སྒོ་བསྡུ་ངོ་བོ་མ་སྤངས་པའོ།། གོང་འོག་ཁྱད་པར་ཤེས་བྱས་ནས།། སྒྱུ་མས་གཉེན་པོ་མ་སྤངས་པའོ།། དགའ་བ་མཆོག་དགའ
8b6 ཤེས་བྱས་ཏེ། ། སྔོན་དུ་འགྲོ་བ་མ་སྤངས་པའོ།། འཁོར་བ་ལུགས་ལས་བཟློག་བྱ་སྟེ།། གནས་ནས་གནས་སུ་ཟློག་བྱེད་པ།། གནས་ཀྱི་ཁྱད་པར་མ་སྤངས་པའོ།། དེ་ཉིད་རིམ་པར་འཕོ་བྱེད་པ།
8b7 བླ་མའི་བླ་མ་ལས་བརྒྱུད་ཤེས།། འཁོར་བར་འཇུག་ལྡོག་བྱེ་བྲག་ནི།། འཕོ་བ་མ་སྤངས་རྣམ་པ་གཉིས།། ཡེ་ཤེས་མེ་ནི་ཆེར་འབར་བས།། ཕུང་པོ་འབྱུང་པོ་དབང་པོ་སོགས།། ཐམས་ཅད
iiif viewer powered by OpenSeadragon
