| e-texts navigator |
| Wylie |
50b1 སྐྱེས་པས་བསྒྲུབ་ཏུ་མེད།། མངོན་དུ་གྱུར་པས་བསྒོམ་དུ་མེད།། དཔྱད་དུ་མེད་པས་བཅོས་དང་བྲལ།། མ་ཡེངས་བློ་ཡིས་རྟོགས་པའོ།། བསྒོམ་པའི་ལེའུ་འདི་བཤད་པའི་ཚེ།། འཆད་པའི
50b2 སྐྱེས་བུ་ཉིད་ཀྱང་ནི། ། བརྒྱལ་ནས་ས་ལ་འགྱེལ་གྱུར་ཏེ།། ལྷ་མིན་རིག་སྔགས་འཆང་བ་རྣམས།། སོ་སོར་བྱེར་ཏེ་རེངས་པར་གྱུར།། ལྷ་ཡི་བུ་མོ་སྟོང་ཕྲག་ནི།། ཆོས་ལ་རྡུལ་མིག་རྣམ་པར
50b3 དག། བྱང་ཆུབ་སེམས་དཔའ་ཉི་ཁྲི་ཡང་།། དེ་མ་ཐག་ཏུ་མངོན་སངས་རྒྱས།། འཇིག་རྟེན་ཁམས་ནི་དྲུག་གཡོས་པས།། འུར་འུར་པོ་དང་ཆེམ་ཆེམ་གྱིས།། ཁམས་གསུམ་པོ་ནི་འདར་བར་བྱེད།།
50b4 དེ་ཡི་མོད་ལ་སེམས་རྫོགས་པ།། ངོ་མཚར་སྐྱེས་ནས་འདི་སྐད་གསོལ།། ཨེ་མའོ་སངས་རྒྱས་ཀུན་གྱི་རྗེ།། རྫོགས་སངས་རྒྱས་པ་བདེ་བའི་མཆོག། སྐལ་ལྡན་འདུལ་བྱེད་གཉེན་གཅིག་པུ།། འགྲོ
50b5 བའི་མར་མེ་ཡེ་ཤེས་སྦྲོན། ། ཁྱོད་ཀྱི་ཐུགས་ཀྱི་ཡེ་ཤེས་ཀྱིས།། མ་རིག་སྒོ་ངའི་ལིང་ཐོག་བསལ།། རྣམ་དག་ཡེ་ཤེས་ཁྱོད་ལ་འདུད།། དགའ་མགུ་རངས་ནས་གསོལ་པ་དང་།། ཐམས་ཅད
50b6 འདུད་ཅིང་འཁོད་པར་བྱེད། ། སྒོམ་པའི་ལེའུ་སྟེ་བཞི་པའོ།། དེ་སྐད་བཅོམ་ལྡན་ཤཱཀྱ་ཐུབ།། རྡོ་རྗེ་སེམས་དཔའ་ལ་གཟིགས་ཏེ།། བཀའ་ཡི་བསྒོ་བ་འདི་སྐད་མཛད།
50b7 ལེགས་སོ་འདུས་པའི་ཚོགས་ཆེན་རྣམས།། ཡང་དག་ཡེ་ཤེས་ལ་ཞུགས་པས།། རྣམ་རྟོག་འཆིང་བའི་ནང་དང་བྲལ།། མཐའ་དང་བྲལ་བའི་རང་བཞིན་ལ།། བཟློག་པས་བལྟས་པ་ཐ་དད
iiif viewer powered by OpenSeadragon
