| e-texts navigator |
| Wylie |
48a1 འཆིང་། ། སྐྱེ་འགག་མེད་པའི་ཆོས་ཉིད་ལ།། རྒྱུ་འབྲས་ནད་ཀྱིས་ཅི་ལ་འཆིང་།། བསམ་དང་བྲལ་བའི་ཡེ་ཤེས་ལ།། རྡོག་དཔྱོད་ནད་ཀྱིས་ཅིལ་འཆིང་།། ཨེ་མའོ་རྣམ
48a2 དངག་སེམས་ཉིད་ཀློང་། ། ལྷན་ཅིག་སྐྱེས་པ་བདེ་བའི་མཆོག། འོད་གསལ་སྣ་ཚོགས་དུས་ན་བདེ།། རྣམ་དག་འཁོར་ལོ་བདེ་བ་ལ།། བསྣུན་པའི་བློ་གྲོས་ལོག་པ་ཡིས།། སྲིད་རྒྱུ་ངེས་པའིཿ
48a3 བར་འཁྱམས། ། གཞན་ཡང་སྟོན་པས་འདི་སྐད་གསུངས།། ཞེན་ཆགས་ཅན་གྱི་གདུལ་བྱ་ལ།། བདེ་བ་ཆེན་པོ་བཅོས་མ་སྦྱིན།། ཁོང་ཁྲོ་ཅན་གྱི་གདུལ་བྱ་ལ།། གཡོ་བ་རླུང་གི་བཅོས་མ
48a4 སྦྱིན། ། འདོད་པ་ཆུ་བཞིན་གདུངས་པ་ལ།། བཀྲི་དྲང་རང་རྒྱུད་བཅོས་མ་སྦྱིན།། ཀུན་ཏུ་རྨོངས་པའི་ཡིད་ཅན་ལ།། སྟོང་པ་སྙིང་རྗེ་བཅོས་མ་སྦྱིན།། སྟོན་པས་དེ་སྐད་བཀའ་སྩལ་པས།། འཁོར
48a5 རྣམས་བསྡུ་བ་རྣམ་མཛད་དེ། ། དེ་བཞིན་གཤེགས་ལ་འདི་སྐད་གསོལ།། ཡེ་ནས་རྣམ་པར་དག་པས་ན།། ཁམས་གསུམ་འཁོར་བ་ཇི་ལྟར་ལགས།། གློ་བུར་བ་གཅིག་ལེགས་འགྱུར་ན།།
48a6 ཐོག་མཐའ་ཡོད་པར་མི་འགྱུར་རམ།། ཡང་ན་རྡོ་རྗེ་སེམས་སོགས་པ།། དམྱལ་བར་འཚེད་པར་མི་འགྱུར་རམ།། འཁོར་བ་བདེ་བ་གྲུབ་པ་ན།། སྦྱང་བཏུབ་བམ་ནི་ཅི་ཞིག་གུ།། དེ་སྐད་གསོལ་ནས
48a7 མི་སྣང་གྱུར། ། དེ་བཞིན་གཤེགས་པས་བཀའ་སྩལ་པ།། ང་ལ་ཉན་པ་ཁྱེད་ལེགས་སོ།། རྩེ་གཅིག་ཡིད་ཀྱིས་དང་བར་བྱོས།། མ་ངེས་ཁ་དོག་འཇའ་ཚོན་ལས།། རིགས་ཀྱི་ཁྱད་པར་ཐ་དད
iiif viewer powered by OpenSeadragon
