| e-texts navigator |
| Wylie |
47b1 རྡོ་རྗེ་སེམས་དཔའ་ཡིས། ། བཅོམ་ལྡན་འདས་ལ་འདི་སྐད་གསོལ།། ཀྱེ་ཧོ་རང་བྱུང་བཅོམ་ལྡན་འདས།། ནམ་མཁའི་བདག་པོ་སྣ་ཚོགས་ལུས།། གསུང་གི་མངའ་བདག་རིག་སྔགས་རྒྱལ།། སྐྱེ
47b2 མེད་དབྱིངས་ནས་སྣང་བྱེད་འཁྲུངས། ། འགྲོ་དྲུག་འདྲེན་པ་ཁྱོད་ཀྱི་གསུང་།། ཉིད་ཀྱི་ཞལ་ནས་ཐིག་པ་ཤོར།། ཀེ་ཀེ་རུ་དང་མརྒད་དང་།། སྤུག་དང་རྡོ་ཡི་སྙིང་པོ་དང་།། རིན་ཆེན་ཁ་དོག་སྣ་ལྔ་པས།
47b3 ཡེ་ཤེས་གཞལ་ཡས་ཁ་དོག་སྤྲས།། ཉིད་ལས་མི་གཞན་འཇིགས་བྱེད་དང་།། རྒྱལ་སྲས་དད་པ་གཏམ་ཉན་དང་།། འགྲོ་བ་འདུལ་བའི་འཁོར་རྣམས་སོ།། དེ་ནས་བཅོམ་ལྡན་ཤཱཀ་ཐུབ་ཀྱི།།
47b4 གསུང་གི་དགོངས་པ་མཁྱེན་ནས་ནི།། སངས་རྒྱས་རྣམས་ཀྱི་ཡེ་ཤེས་ཀྱི།། རང་བྱུང་ཡེ་ཤེས་བསྡུ་བ་མཛད།། དེ་བཞིན་གཤེགས་ཀྱིས་འདི་སྐད་དུ།། ཆེད་དུ་བརྗོད་པ་རྣམ་པར་མཛད།། གང་ཞིག
47b5 རྩོལ་མེད་བདེ་ཆེན་དོན། ། ལྷན་ཅིག་སྐྱེས་པ་མ་མཐོང་ན།། སྒྲུབ་དང་རྩོལ་བ་ཅི་སྤྱད་ཀྱང་།། བྱིས་པ་དོན་མེད་ག་ཆད་དུ།། རྫས་བཟུང་བ་ནི་འཆིང་བ་ཉིད།། རྟེན་འབྲེལ་སྒོམ་པ་གཉིས་པའོ།། དོན
47b6 མེད་ཉམས་མྱོང་འདོད་པ་ཡང་། ། འཆིང་བའི་རྒྱུ་སྟེ་གསུམ་པའོ།། ཁ་ཅིག་ཨོཾ་རིའི་ཐལ་བས་བྱུགས།། དབང་ཕྱུག་ནམ་མཁའི་རྫས་རྣམས་སྡུད།། འཆིང་བའི་རྒྱུ་སྟེ་བཞི་པའོ།། གླེང་གཞིའི
47b7 ལེའུ་སྟེ་དང་པོའོ། མཐའ་དང་བྲལ་བའི་རང་བཞིམ་ལ། གཟུང་འཛིན་ནད་ཀྱིམཚལ་འཆིང་།། གདོད་ནས་དག་པའི་རྣམ་མཁའ་ལ།། བག་ཆགས་མཚན་མས་ཅིས
iiif viewer powered by OpenSeadragon
