| e-texts navigator |
| Wylie |
47a1 རྗེས་སུ་ཡི་རང་ནས་ལྷའི་མཆོད་པ་རྣམ་པ་དུ་མས་མཆོད་པ་ནི་ནམ་མཁའ་ལ་རིན་པོ་ཆེའི་ཆར་དང་། སྒེག་པ་དང་། དགོད་པ་དང་། དགའ་བའི་མཆོད་པའི་རྣམ་པ་དང་། @
47a2 ཧི་ལ་སོགས་པའི་མཆོད་པ་དང་། གཞན་ཡང་ལྷའི་མེ་ཏོག་དང་། སྤོས་དང་། མར་མེ་དང་། དྲི་དང་། ཞལ་ཟས་ཀྱི་མཆོད་པ་རོ་བརྒྱ་པ་དང་། གཏུམ་པའི་མཆོད་པས་མཆོད་དེ། གཞན་ཡང
47a3 ནང་དང་། གསང་བ་དང་། གསང་བའི་གསང་བ་བླ་ན་མེད་པའི་མཆོད་པ་ཆེན་པོ་རྨད་དུ་བྱུང་བས་མཆོད་ནས་ལན་གསུམ་བསྐོར་བ་བྱས་ཏེ། སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏོ།། དཔལ་དེ
47a4 རྗེ་གྲུབ་པ་དྲ་བའི་སྡོམ་པའི་རྒྱུད་ཀྱི་རྒྱལ་པོ་རྫོགས་སོ། ། རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་པའོ།།
47a5 རྒྱ་གར་སྐད་དུ། སརྦ་ཏ་ཐཱ་ག་ཏ་ཙིཏྟ་གརྦྷ་ཨརྠ་ཏནྟྲ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་དོན་གྱི་རྒྱུད། དཔལ་རྡོ་རྗེ་སེམས་དཔའ
47a6 ལ་ཕྱག་འཚལ་ལོ། ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། དེ་བཞིན་གཤེགས་པ་ཐམས་ཅད་ཀྱི།། སྐུ་གསུང་ཐུགས་ཀྱི་རྡོ་རྗེ་བདག། སྙིང་པོ་མཆོག་ནི་བཞུགས་པའི་སྐུ།། རྡོ་རྗེ
47a7 སེམས་དཔའ་ལ་གཟིགས་ཏེ། ། སངས་རྒྱས་རྣམས་ཀྱི་ཡེ་ཤེས་སྐུ།། སྣ་ཚོགས་གཟུགས་ཅན་སེམས་འདི་ནི།། མཐའ་དང་བྲལ་བ་ཡིན་མོད་ཀྱི།། སྲིད་དང་འཁོར་བར་རབ་ཏུ་གྲགས།། དེ་ནས
iiif viewer powered by OpenSeadragon
