| e-texts navigator |
| Wylie |
45b1 དེ་ཉིད་འབྱུང་བ་ཡིན། ། གྲངས་ནི་སྔ་མ་ལྟར་དུ་ཤེས།། ངོ་བོ་ཐིག་ལེ་ཉིད་ཡིན་ཏེ།། ཐིག་ལེ་མདུད་པའི་གྲངས་སུ་ཤེས།། དེ་ཡི་ཕན་ཡོན་གང་ཡིན་པ།། གཟུང་འཛིན་རྣམ་པར་རྟོག་པ་ཡིས།།
45b2 ཕྱིར་ཅི་ལོག་ཏུ་བརྟགས་པ་ཡིས།། རྣམ་པར་རྟོག་པ་སྤོང་བ་ཡིན།། འབྲས་བུ་རྡོ་རྗེ་འཆང་ཆེན་པོའི།། ས་ནི་ངེས་པར་ཐོབ་པའོ།། དཔལ་རྡོ་རྗེ་དྲ་བའི་སྡོམ་པའི་རྒྱུད་ལས། ཡེ་ཤེས་ཀྱི་རྒྱུ་དང
45b3 གནས་ལ་སོགས་པ་བསྟན་པའི་ལེའུ་སྟེ་གཉིས་པའོ། ། །། དེ་ནས་གཞན་ཡང་བཤད་བྱ་བ།། འཁོར་ལོ་རྣམས་ཀྱི་དབྱེ་བ་ནི།། བདེ་ཆེན་འཁོར་ལོའི་འདབ་མ་ནི།། སུམ་ཅུ
45b4 རྩ་གཉིས་གྲངས་ཡིན་ནོ། ། དེ་ནས་ལོངས་སྤྱོད་འཁོར་ལོ་ནི།། འདབ་མ་བཅུ་དྲུག་དག་ཏུ་བསྟན།། ཆོས་ཀྱི་འཁོར་ལོ་འདབ་མ་བརྒྱད།། སྤྲུལ་པའི་འཁོར་ལོའི་འདབ་མ་ནི།། དྲུག་ཅུ་རྩ་བཞི
45b5 ངག་ཡིན་ནོ། ། བདེ་ཆེན་འཁོར་ལོ་སོར་བཞི་སྟེ།། ལོངས་སྤྱོད་འཁོར་ལོ་སོར་བཅུ་དྲུག། ཆོས་ཀྱི་འཁོར་ལོ་སོར་བཅུ་གཉིས།། སྤྲུལ་པའི་འཁོར་ལོ་སོར་བཅུ་དྲུག། བདེ་ཆེན་འཁོར་ལོའི་ལྟེ་བ
45b6 རུ། ཧཾ་ནི་དཀར་པོ་འཐུར་བལྟས་བསམ།། ལོངས་སྤྱོད་འཁོར་ལོའི་ལྟེ་དབུས་སུ།། ཨོཾ་ནི་དམར་པོ་གྱེན་བལྟས་བསམ།། ཆོས་ཀྱི་འཁོར་ལོའི་ལྕེ་དབུས་སུ།། ཧཱུཾ་ནི་སྔོན་པོ་འཐུར་བལྟས
45b7 བསམ། ། སྤྲུལ་པའི་འཁོར་ལོའི་ལྟེ་དབུས་སུ།། ཨཱ་ནི་དམར་པོ་གྱེན་བལྟས་བསམ།། དང་པོའི་འཁོར་ལོའི་འདབ་མ་ལ།། དབྱངས་ཀྱི་ཡི་གེ་བཅུ་དྲུག་ནི།། ལུགས་འབྱུང་ལུགས་མིན་དགོད
iiif viewer powered by OpenSeadragon
