| e-texts navigator |
| Wylie |
41b1 རྟགས་ཀྱི་རྡོ་རྗེ་ནི། ། རྩེ་གསུམ་སྐུ་གསུང་ཐུགས་སུ་བཤད།། འདོད་ཆགས་ཞེ་སྡང་གཏི་མུག་གསུམ།། འཇིག་ཅིང་འཇོམས་པས་རྡོ་རྗེ་སྟེ།། རྩེ་ལྔ་ཡེ་ཤེས་ལྔ་ཡི་རྟགས།། ང་རྒྱལ་ལ་སོགས
41b2 རྣམ་པ་ལྔ། ། འཇིག་ཅིང་འཇོམས་པས་རྡོ་རྗེའོ།། དེ་ནས་རྫས་ཀྱི་རྡོ་རྗེ་ནི།། རྣམ་པ་བཞི་རུ་བསྟེན་པ་ནི།། ཟུར་གསུམ་རྣོ་ལ་འབིགས་པ་དང་།། གྲུ་བཞི་དག་ཅིང་གསལ་བར་བྱེད།། ཟླུམ་པོས་རྫས་རྣམས
41b3 འཇོམས་པར་བྱེད། ། ཟུར་ལྔས་འདོད་སྒྲུབ་སྲས་རྡོ་རྗེ།། རྒྱུད་ཀྱི་དོན་ནི་རྣམ་པ་བཞི།། རྒྱུ་དང་འབྲས་བུ་གཉིས་ཀའི་རྒྱུད།། མཐར་ཐུག་རྒྱུད་ཀྱི་རྒྱལ་པོ་སྟེ།། དེ་རྣམས་ཀུན་ལ་དབང་བྱེད་པ།། ལོག
41b4 ལྟའི་རྒྱུད་སོགས་སྤོང་བར་བྱེད། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའི་འཁོར་དཔག་ཏུ་མེད་པ་རྣམས་དགའ་ཞིང་མགུ་ནས་རྗེས་སུ་ཡི་རངས་ཏེ། གཡས
41b5 ཕྱོགས་ནས་ལན་གསུམ་བསྐོར་བ་བྱས་ཏེ། སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏོ།། དཔལ་རྡོ་རྗེ་འཇིགས་བྱེད་རྣམ་པར་འཇོམས་པའི་རྒྱུད་ཀྱི་རྒྱལ་པོ་རྫོགས་སོ།། །། བླ
41b6 མ་ག་ཡ་དྷ་ར་དང་། ལོ་ཙ་བ་ཤཱཀྱ་ཡེ་ཤེས་ཀྱིས་བསྒྱུར་བའོ།། རྒྱ་གར་སྐད་དུ། ཤྲཱི་མ་ཧཱ་བ་ལ་ཛྙཱ་ན་རཱ་ཛ་ཏནྟྲ་རཱ་ཛ། བོད་སྐད་དུ། དཔལ
41b7 སྟོབས་ཆེན་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་ཁོ་ན་ཉིད་བཙུན་མོའི་བྷ་ག་ལ་འཁོར
iiif viewer powered by OpenSeadragon
