| e-texts navigator |
| Wylie |
41a1 ཉོན་མོངས་དགྲ་སོགས་རྣམ་པར་འཇོམས།། ཆུ་ཡི་རླུང་དང་འབྲས་བུའི་རྒྱུང།། མཐར་ཐུག་ཆུང་ནི་གང་ཡིན་ལ།། རྒྱལ་པོ་ཞེས་ནི་བསྐྲུན་པ་ཡིན།། རྡོ་རྗེ་སྙིང་པོས་ཡང་གསོལ
41a2 པ། རེ་རེའི་བྱེ་བྲག་མ་འཚལ་བས།། དེ་ཡི་དབྱེ་བ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་རྣམ་པ་གསུམ་ཡིན་ཏེ།། དོན་གྱི་རྡོ་རྗེ་དེ་ནས་རྟགས།། རྫས་ཀྱི་རྡོ་རྗེ་དང་ནི
41a3 གསུམ། ། དེ་ནས་དོན་གྱི་རྡོ་རྗེ་བཤད།། གཟུང་འཛིན་རྟོག་པས་མི་ཕྱེད་ཕྱིར།། དོན་གྱི་རྡོ་རྗེར་བཤད་པའོ།། དབང་བཞི་རྡོ་རྗེ་རེ་རེ་སྟེ།། རྡོ་རྗེ་བཞི་རུ་བཤད་པ་ཡིན།། རྟགས་ཀྱི་རྡོ་རྗེ་གསུམ་ཡིན་ཏེ།
41a4 རྩེ་གསུམ་རྩེ་ལྔ་རྩེ་དགུ་པ།། རྩེ་གསུམ་སྐུ་གསུང་ཐུགས་ཀྱི་རྟགས།། རྩེ་ལྔ་ཡེ་ཤེས་ལྔ་ཡི་རྟགས།། རྩེ་དགུ་ཁམས་གསུམ་ས་དགུའི་རྟགས།། རྫས་ཀྱི་རྡོ་རྗེ་བཞི་ཡིན་ནོ།། བུམ་པའི་དབང་དང
41a5 འབྲེལ་བ་ཡི། ། སྐུ་མདོག་ཕྱག་མཚན་ལ་སོགས་ལྷ།། གཟུང་དང་འཛིན་པའི་རྣམ་རྟོག་ནི།། འཇིག་སྣང་འཇོམས་པས་རྡོ་རྗེའོ།། གསང་བའི་དབང་དང་འབྲེལ་བ་ཡི།། རྩ་དང་རླུང་དང་ཐིག་ལེ་ལ།
41a6 གཟུང་འཛིན་གཉིས་སུ་གང་རྟོགས་པ།། འཇིག་ཅིང་འཇོམས་པས་རྡོ་རྗེའོ།། ཤེས་རབ་ཡེ་ཤེས་དང་འབྲེལ་བའི།། ལྷན་ཅིག་སྐྱེས་དགའ་ལ་སོགས་པའི།། གཟུང་དང་འཛིན་པ་གང་རྟོགས་པ།།
41a7 འཇིག་ཅིང་འཇོམས་པས་རྡོ་རྗེ་ལམ།། བཞི་པའི་དབང་དང་འབྲེལ་བ་མོ།། རང་རིག་སེམས་ཉིད་སྟོང་ཉིད་ལ།། གཟུང་འཛིན་གཉིས་སུ་གང་རྟོག་པ།། འཇིག་ཅིང་འཇོམས་པས་རྡོ་རྗེའོ།། དེ་ནས
iiif viewer powered by OpenSeadragon
