| e-texts navigator |
| Wylie |
40b1 མེ་རང་བཞིན། ། འདི་ནི་རྒྱུན་བཞག་ཆེན་པོའི་མེ།། ཐོག་མཐའ་མེད་པར་གནས་པའི་ཕྱིར།། དམ་ཚིག་ཉམས་པའི་བུད་ཤིང་སོགས།། ཡེ་ཤེས་མེ་ཡི་བུད་ཤིང་ཡིན།། མན་ངག་ཅན་གྱིས
40b2 བསྲེགས་བྱས་ན། ། ཉམས་པའི་ཤིང་སོགས་འཚིག་པར་ངེས།། དགང་གཟར་ལ་སོགས་དེ་བཞིན་ཏེ།། རྒྱས་པ་ལ་སོགས་དེ་དང་འདྲ།། རྒྱུད་འདི་གཏད་ཀྱིས་ལེགས་པར་ཟུང་།། ཐམས་ཅད་དགའ
40b3 ཞིང་མགུ་བར་གྱུར། ། དཔའ་བོ་མཁའ་འགྲོ་གསང་བའི་རྒྱུད་ཀྱི་རྒྱལ་པོ་རྫོགས་སོ།། རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།།
40b4 རྒྱ་གར་སྐད་དུ། ཤྲཱི་བཛྲ་བྷཻ་ར་བ་བི་དཱ་ར་ཎ་ཏནྟྲ་རཱ་ཛ། བོད་སྐད་དུ། དཔལ་རྡོ་རྗེ་འཇིགས་བྱེད་རྣམ་པར་འཇོམས་པའི་རྒྱུད་ཀྱི་རྒྱལ་པོ
40b5 དཔལ་ཧེ་རུ་ཀ་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འཁོར་དཔག་ཏུ་མེད་པ་དང་རི་རབ་ཀྱི་སྟེང་དུ་བཞུགས་པའི་དུས་སུ། བྱང་ཆུབ་སེམས་དཔའ་རྡོ་རྗེ་སྙིང
40b6 པོས། བཅོམ་ལྡན་འདས་ལ་ལན་གསུམ་དུ་བསྐོར་བ་བྱས་ཏེ། ཐལ་མོ་སྦྱར་ནས་འདི་སྐད་ཅེས་གསོལ་ཏོ།། ཐུགས་རྗེ་ཆེ་ལྡན་བཅོམ་ལྡན་འདས།། རྡོ་རྗེ་གང་ལགས་འཇིགས་བྱེད་གང་།། འཇོམས
40b7 པ་གང་ལགས་ཆུང་གང་ལགས། ། རྒྱལ་པོ་གང་ལགས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་རྣམ་པ་གསུམ་ཡིན་ཏེ།། ཉོན་མོངས་བདུད་སོགས་འཇོམས་པར་བྱེད།།
iiif viewer powered by OpenSeadragon
