| e-texts navigator |
| Wylie |
39b1 དཔེར་ར་རྒྱལ་པོ་མེད་པའི་གྲོང་།། གྲོང་དང་གྲོང་ཁྱེར་ཇི་བཞིན་ནོ།། དེ་བཞིན་དམ་ཚིག་བྱེ་བྲག་ཀྱང་།། རྩ་བའི་དམ་ཚིག་ཉམས་གྱུར་ན།། ཡན་ལག་དམ་ཚིག་དེ་དང་འདྲ།། ཐུགས་ཀྱི་དམ་ཚིག་ཉམས
39b2 གྱུར་ན། ། སྐུ་གསུང་དམ་ཚིག་དེ་དང་འདྲ།། སྲོག་གཅོད་དམ་ཚིག་ཉམས་གྱུར་ན།། བརྫུན་དང་མ་བྱིན་ལེན་པ་དང་།། འདོད་ཆགས་དམ་ཚིག་དེ་དང་འདྲ།། ལྟ་བའི་དམ་ཚིག་ཉམས་གྱུར་ན།། སྤྱོད
39b3 པའི་དམ་ཚིག་དེ་དང་འདྲ། ། ཚུལ་འཆོས་མི་ཤེས་སོང་བ་ཙམ།། དམ་ཚིག་ཉམས་པ་དེ་དང་འདྲ།། དཔེར་ན་འཁོར་ལོ་སྒྱུར་བའི་རྒྱལ་པོ་དང་།། བྲལ་བའི་རིན་ཆེན་བདུན་པོ་དེ་དག་གིས།། འཁོར
39b4 ལ་སྦྱར་བའི་མིང་ནི་མི་ཐོབ་བཞིན། ། བླ་མའི་ཞལ་ནས་ཐམས་ཅད་ཤེས་པར་བྱ།། དེ་ནས་སངས་རྒྱས་སེམས་ཅན་ཡང་།། རྡུལ་ཙམ་ཁྱད་པར་མེད་མོད་ཀྱང་།། རང་རིག་གཞན་རིག་རྐྱེན་དག་ཀྱང་།།
39b5 རང་སེམས་ལས་སུ་རུང་བ་དང་།། མ་རུང་བ་དང་ལས་ཀྱི་མཐའ།། ལོག་པ་དང་ནི་མ་ལོག་པ།། དོན་བྱེད་ནུས་དང་མི་ནུས་པ།། ཡོངས་སུ་རྫོགས་དང་མ་རྫོགས་དང་།། སངས་རྒྱས་སེམས་ཅན
39b6 གཉིས་སུ་སྣང་། ། ཟ་དད་པར་ནི་མི་བརྟག་སྟེ།། ཆུ་ཁམས་གསེར་དང་ནམ་མཁའ་བཞིན།། རང་བཞིན་གྱིས་ནི་དག་པར་འདོད།། རང་སེམས་རང་གིས་རྟོགས་པས་ན།། སེམས་ཅན་གདོང་ནས་སངས
39b7 རྒྱས་སོ། ། རྡོ་རྗེ་ཕག་མོས་ཡང་ཞུས་པ།། སྲོག་གཅོད་ལ་སོགས་དམ་ཚིག་ལ།། དབྱེ་བ་ཁྱོད་ཀྱིས་བདག་ལ་གསུངས།། བཅོམ་ལྡན་འདས་ཀྱིས་བཀའ་སྩལ་པ།། རང་གི་ལུས་ངག་སེམས
iiif viewer powered by OpenSeadragon
