| e-texts navigator |
| Wylie |
24b1 གནས། ། ཐམས་ཅད་བདེ་བར་སྣང་བའི་ཕྱིར།། གསང་བར་ཤིང་བརྒྱད་ཡང་དག་གནས།། ཕྲ་བའི་མཚན་མའི་རྣམ་རྟོག་གི། གདུག་པ་འཇོམས་ཕྱིར་ཀླུ་བརྒྱད་དགོད།། བདེ་བས་བདག
24b2 སྤྱོད་གཞན་སྦྱོར་བས། ། དེ་ཡི་ཕྱིར་ན་ཆར་སྤྲིན་དགོད།། དེ་ནས་བཞི་པའི་དུར་ཁྲོད་ཀྱང་།། རྣམ་ཤེས་བརྒྱང་ན་དེ་ཉིད་བརྒྱད།། དུར་ཁྲོད་བརྒྱད་དུ་ངེས་པའོ།། དུར་ཁྲོད་སོགས་བརྒྱད་དེ
24b3 ཉིད་ཤིང་། ། ལྷག་མ་གསུམ་དང་ཚོར་སོགས་ལྔ།། བརྒྱད་ནི་ཕྱོགས་སྐྱོང་བརྒྱད་དུ་ངེས།། ཉོན་མོངས་དྲུག་དང་དེ་ཡི་གཉིས།། བརྒྱད་པོ་དག་ནི་ཀླུ་བརྒྱད་དོ།། ལྔ་དང་བཞི་དག་གསུམ་དག
24b4 ནི། དེ་ནི་བཞི་པའི་ཆར་སྤྲིན་བརྒྱད།། གཟུང་འཛིན་རྣམ་རྟོག་མི་མངའི་རྟགས།། བཞི་པ་ཡི་ནི་དུར་ཁྲོད་བརྒྱད།། སྟོབས་སོགས་མཁྱེན་པའི་ཡོན་ཏན་རྒྱས།། རྟགས་སུ་ཤིང་བརྒྱད་ངེས
24b5 པའོ། ། རྣམ་རྟོག་གདུག་པ་འདུལ་བ་ཡི།། རྟགས་སུ་ཀླུ་བརྒྱད་ངེས་པའོ།། གཟུགས་སྐུ་གཉིས་ཀྱིས་སེམས་ཅན་གྱི།། དོན་མཛད་རྟགས་སུ་ཆར་སྤྲིན་བརྒྱད།། ཕྱོགས་སྐྱོང་བླ་མའི་ཞལ
24b6 ནས་ཤེས། ། དེ་དག་ཀུན་གྱི་བྱེ་བྲག་ཀྱང་།། བླ་མའི་ཞལ་ནས་ཤེས་པར་བྱ།། རྒྱུན་ཆགས་ཕྱི་ནང་རྒྱུད་ཅེས་བྱ།། རྒྱལ་པོ་ཁྱད་པར་འཕགས་པའོ།། གཞན་ཡང་ང་ཡིས་གསུངས་པའི
24b7 བཀའ། ། གསུང་གཅིག་ཉིད་དུ་གསུངས་གྱུར་ཀྱང་།། དུ་མ་ཉིད་དུ་སོ་སོར་སྣང་།། ཆོས་ཚུལ་དུ་མའི་བྱེ་བྲག་དང་།། མོས་པ་དུ་མའི་བྱེ་བྲག་དང་།། འདུ་ཤེས་དུ་མའི་བྱེ་བྲག་གིས།། ཐེག
iiif viewer powered by OpenSeadragon
