| e-texts navigator |
| Wylie |
23a1 མི་མངའི་རྟགས་སུ་དུར་ཁྲོད་བརྒྱད། ཕྱོགས་དང་ཕྱོགས་བྲལ་དག་ཏུ་དགོད།། ཚོགས་བརྒྱད་ཡོན་ཏན་བརྒྱད་ལྡན་པའི།། རྟགས་སུ་ཤིང་བརྒྱད་རིམ་པས་དགོད
23a2 དེ་བཞིན་གདུག་པ་བརྒྱད་བཅོམ་པའི། ། རྟགས་སུ་ཀླུ་བརྒྱད་རིམ་པས་དགོད།། ཚོགས་བརྒྱད་མི་དགེ་བཅུ་བཅོམ་པའི།། ཆགས་སུ་ཕྱོགས་སྐྱོང་རིམ་པས་དགོད།། ལུས་ངག་ཡིད་ཀྱིས་སེམས་ཅན
23a3 གྱི། དོན་མཛད་ཕྱིར་ནི་ཆར་སྤྲིན་དགོད།། དེ་ཉིད་དུར་ཁྲོད་འཇིགས་པ་ཆེ།། ཐབས་དང་ཤེས་རབ་གཉིས་མེད་རྒྱུད།། རྣམ་རྟོག་ཟིལ་གནོན་བརྒྱད་པོར་བཤད།། མཛེས་པའི་ཕྱིར་ན་རྒྱན
23a4 ཡིན་ནོ། ། དེ་ཉིད་གསལ་བར་བྱ་བའི་ཕྱིར།། དང་པོར་དུར་ཁྲོད་བཤད་པར་བྱ།། ཤར་དུ་གཏུམ་དྲག་ནག་པོ་ཆེ།། ལྷོ་རུ་འཕར་དགོད་སེར་ཆེ།། ནུབ་ཏུ་མི་བཟང་དམར་པོ་ཆེ།། བྱང་དུ་ཚང
23a5 ཚིང་ལྗང་ཀུ་ཆེ། ། མེ་རུ་གཡེར་ཀ་ཅན་ཡིན་ཏེ།། བདེན་བྲལ་མཚམས་སུ་འབར་བ་འཛིན།། རླུང་མཚམས་དམྱལ་སོགས་གནས་པ་སྟེ།། དབང་ལྡན་དུ་དབྱིབས་ཅན་ནོ།། བྷུ་ཙ་རི་ཁི་ཙ་ཤ་ནི།།
23a6 ས་སྟེངས་ཤར་གྱི་ཕྱི་རུ་དགོད།། པ་ཏཱ་ལི་དང་བཱ་ས་ནི།། ས་འོག་ནུབ་ཀྱི་ཕྱི་རུ་དགོད།། དུར་ཁྲོད་འདི་རྣམས་གཟུགས་རྣམས་ཀྱང་།། འབར་བ་ཚིག་དང་མཆོག་སོགས།། ཀེང་རུས་ཐོད་པ་ལ
23a7 སོགས་དང་། ། རོ་ལངས་འབྱུང་པོའི་ཚོགས་དང་བཅས།། ཅེ་སྤྱང་སྒྲ་ཡིས་འཇིགས་པའི་གཟུགས།། ཤར་དུ་ཤི་རི་ཤ་ཡི་ཤིང་།། ལྷོ་རུ་ཨ་ཤྭད་ཐ་ཡི་ཤིང་།། ནུབ་ཏུ་ཝང་གེ་ལིང་གི་ཤིང་།
iiif viewer powered by OpenSeadragon
