| e-texts navigator |
| Wylie |
471a1 འཇོམས་ལམ་གྱི་སྟོབས་དང་ལྡན།། ཡེ་ཤེས་ལྔ་འམ་ཡོན་ཏན་དྲུག། ལྡན་པ་དག་ཏུ་རབ་ཏུ་གྲགས།། བླ་མ་གཅིག་ལ་སྣོད་བཅུད་གཉིས།། ཐོབ་ན་དེ་ཉིད་དམ་པ་སྟེ།། བླ་མ་གཅིག
471a2 ལ་དབང་ཐོབ་ནས། ། བླ་མ་གཅིག་ལ་མཉན་པར་བྱ།། ཐ་མ་རྣམ་པ་གཉིས་སུ་གསུངས།། ཕྱི་ཡི་བླ་མ་དེ་ཉིད་དེ།། ནང་གི་བླ་མ་བདག་པོའི་ལྷ།། བདུད་དང་དགྲ་ཡི་སྡེ་རྣམས་ཀུན།། ཐམས་ཅད་འཇིགས་ཤིང
471a3 སྐྲག་བྱེད་པས། ། འཇིགས་པ་ཞེས་ནི་གསུངས་པ་སྟེ།། དགྲ་དང་བདུད་ཀྱི་གཡུལ་ལས་རྒྱལ།། དམིགས་པ་ལྷ་སོགས་བདུན་དང་ལྡན།། དེ་ཕྱིར་ཆེན་པོ་ཞེས་ནི་གསུངས།། དེའི་ཚེ་འཁོར་འདུས་པ་དེ
471a4 དག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོ་དང་། ཐམས་ཅད་རྒྱུད་ལ་དགའ་ཞིང་མགུ་ནས་རྗེས་སུ་ཡི་རང་བར་གྱུར་ཏོ།། དཔལ་ནམ་མཁའ་ཆེན་པོའི་རྒྱུད་ཀྱི་རྒྱལ་པོ་རྫོགས་སོ།།
471a5 རྒྱ་གར་གྱི་མཁན་པོ་ག་ཡངྒ་ར་དང་། ལོ་ནུབ་དགེ་སློང་ཤཱཀྱ་མི་ཤེས་ཀྱིས་བསྒྱུར་བའོ།། རྒྱ་གར་སྐད་དུ། ཤྲཱིཀྵ
471a6 ཡབཱཀྩིཏྟ་ཏནྟྲ་རཱ་ཛཱ། བོད་སྐད་དུ། དཔལ་སྐུ་གསུང་ཐུགས་ཀྱི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་འདོད་ཆགས་ཆེ།། མཚོན་གྱུར་ལ་ནི་ཡང་དག་གནས།
471a7 མགོན་པོ་ཐུགས་རྗེ་ཆེ་ལྡན་པ།། ཁྱོད་ཀྱིས་བདག་ལ་བཤད་དུ་གསོལ།། རྡོ་རྗེ་འཛིན་པས་བཀའ་སྩལ་པ།། སྐུ་ནི་བུམ་པའི་ངོ་བོ་སྟེ།། གསུང་ནི་གསང་བའི་ངོ་བོ་ཡིན།། ཐུགས་ཀྱང་ཤེས་རབ་ཡེ་ཤེས་ཏེ།། སངས
iiif viewer powered by OpenSeadragon
