| e-texts navigator |
| Wylie |
9b1 བསྒོམས་ཏེ་ལན་མང་དུ་བྱས་པས་ནི། གཞན་འཕྲུལ་དབང་བྱེད་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་འགྱུར་རོ།། དེ་བས་ཆེས་ཤས་ཆུང་བ་དང་། དེ་བས་ཆེས་ཡང་བས་ནི་འཕྲུལ་དགའ་རྣམས།
9b2 སུའོ།། དེ་བས་ཆེས་ཤས་ཆུང་བ་དང་། དེ་བས་ཆེས་ཡང་བས་ནི་དགའ་ལྡན་རྣམས་སུའོ།། དེ་བས་ཆེས་ཤས་ཆུང་བ་དང་། དེ་བས་ཆེས་ཡང་བས་ནི་འཐབ་བྲལ་བ་རྣམས་སུའོ།། དེ་བས་ཆེས
9b3 ཤས་ཆུང་བ་དང་། དེ་བས་ཆེས་ཡང་བས་ནི་སུམ་ཅུ་རྩ་གསུམ་པ་རྣམས་སུའོ།། དེ་བས་ཆེས་ཤས་ཆུང་བ་དང་། དེ་བས་ཆེས་ཡང་བས་ནི་རྒྱལ་ཆེན་བཞི་པ་རྣམས་སུའོ།། དེ་བས་ཆེས་ཤས་ཆུང་བ
9b4 དང་། དེ་བས་ཆེས་ཡང་བས་ནི་མི་རྣམས་དང་སྐལ་བ་མཉམ་པར་སྐྱེ་བར་འགྱུར་རོ།། ཅི་སྟེ་མི་རྣམས་དང་སྐལ་བ་མཉམ་པར་སྐྱེ་བ་ན་ཡང་། སྲོག་གཅོད་པ་སྤོང་བས་ནི་ཚེ་རིང་བར་འགྱུར་རོ།། མ་བྱིན་པར
9b5 ལེན་པ་སྤོང་བས་ནི་ལོངས་སྤྱོད་ཆེན་པོར་འགྱུར་རོ། ། འདོད་པ་ལོག་པར་གཡེམ་པ་སྤོང་བས་ནི་ཆུང་མ་དང་འགྲན་ཟླ་མེད་པར་འགྱུར་རོ།། བརྫུན་དུ་སྨྲ་བ་སྤོང་བས་ནི་སྐུར་པ་མང་བར་མི་འགྱུར་རོ།། ཕྲ་མ
9b6 སྤོང་བས་མཛའ་བོ་དང་དབྱེ་བར་མི་འགྱུར་རོ། ། ཚིག་རྩུབ་པོ་སྤོང་བས་ནི་ཡིད་དུ་མི་འོང་བའི་སྒྲ་ཐོས་པར་མི་འགྱུར་རོ།། ཚིག་འཁྱལ་པ་སྤོང་བས་ནི་ཚིག་མཉན་པར་འགྱུར་རོ།། ཆགས་སེམས་མེད
9b7 པས་ནི་འདོད་ཆགས་ཆེ་བར་མི་འགྱུར་རོ། ། གནོད་སེམས་མེད་པས་ནི་ཞེ་སྡང་ཆེ་བར་མི་འགྱུར་རོ།། ཡང་དག་པར་ལྟ་བས་ནི་གཏི་མུག་ཆེ་བར་མི་འགྱུར་རོ།། བར་སྡོམ་ནི། སྐུར་པ་མེད
iiif viewer powered by OpenSeadragon
