| e-texts navigator |
| Wylie |
99a1 ང་སྲིད་པར་སྐྱེ་བ་མེད་དོ།། འཇིག་རྟེན་བཞག་པ་ལས་ཚིགས་བཅུ་གཅིག་པའོ།། ། བམ་པོ་བདུན་པ། སྡོམ་ལ། རླུང་དང་ཆུ།
99a2 དང་ས་གཞི་དང་།། ནང་དང་ཕྱི་ཡི་རྒྱ་མཚོ་དང་།། རི་རབ་ཀྱི་ནི་ངོས་རྣམས་དང་།། རྩེ་མོ་བང་རིམ་རི་རྣམས་ཏེ།། ས་ནི་ཇི་ལྟར་བྱུང་བ་དང་།། རླུང་དང་ཆུ་ནི་རབ་གནས་པ།། དེ་དག་ཐམས་ཅད་རིམས་བཞིན་དུ།། རབ
99a3 ཏུ་བཤད་ཀྱིས་རྟོགས་པར་གྱིས། ། གང་ལ་ཆུ་ནི་རབ་གནས་པའི།། རྫིང་རླུང་ཕྱེད་པའི་རླུང་མར་ནི།། ནམ་མཁའ་ལས་ནི་ལྡང་བར་འགྱུར།། རླུང་དང་ས་དང་ཆུ་རྣམས་དང་།། རི་དང་གླིང་ནི་བཞི་པོ་རྣམས།། ཆུ་མིག
99a4 མཚོ་དང་འབབ་པ་དང་། ། ཉ་མིག་འཛིན་ཁྲི་གང་བ་ཡི།། རྒྱ་མཚོ་ཆེན་པོ་ཡངས་པ་དང་།། འབྱོར་ཅིང་རྒྱས་པའི་ལྗོངས་དང་ནི།། གྲོང་དག་དང་ནི་གྲོང་ཁྱེར་རྣམས།། དེ་དག་ཐམས་ཅད་ས་ཆེན་ལ།། རིམས་ཀྱིས
99a5 སུ་ནི་རབ་ཏུ་གནས། ། ནམ་མཁའ་གང་ལ་རླུང་གི་དཀྱིལ་འཁོར་གནས་པ་ཡིས། རླུང་གི་དཀྱིལ་འཁོར་དེའི་རྔམས་སུ་ནི་དཔག་ཚད་ས་ཡ་གཅིག་དང་དྲུག་འབུམ་ཡོད་དེ། རྒྱར་ནི་གྲངས་མེད་ཚད་མེད་དོ།།
99a6 རླུང་གི་དཀྱིལ་འཁོར་གང་ལ་ཆུའི་དཀྱིལ་འཁོར་གནས་པའི་ཆུའི་དཀྱིལ་འཁོར་དེའི་རྔམས་སུ་ནི་དཔག་ཚད་བརྒྱད་འབུམ་ཡོད་དོ།། རྒྱར་ནི་དཔག་ཚད་ས་ཡ་གཅིག་དང་ཉིས་འབུམ་བཞི་བརྒྱ་ལྔ་བཅུ་ཡོད་དོ།།
99a7 མཐའ་སྐོར་དུ་ནི་དཔག་ཚངས་ཡ་ཕྲག་གསུམ་དང་། དྲུག་འབུམ་སུམ་བརྒྱ་ལྔ་བཅུ་ཡོད་དོ།། ཆུའི་དཀྱིལ་འཁོར་གང་ལ་གསེར་གྱི་ས་གཞི་ཆེན་པོ་གནས་པའི་གསེར་གྱི་ས་གཞི་ཆེན་པོ་དེའི་རྔམས་སུ་ནི་དཔག་ཚད
iiif viewer powered by OpenSeadragon
