| e-texts navigator |
| Wylie |
98b1 རྣ་བའི་བུ་གོའུ་ཏ་མ་དང་། བ་ར་དྭཱ་ཛ་གཉིས་སོ།། དེ་གཉིས་ལ་གོའུ་ཏ་མའི་བུ་ནི་བུ་རམ་ཤིང་པ་ཞེས་བྱའོ།། རྒྱལ་པོ་བུ་རམ་ཤིང་པའི་བུ་ཚ་རྒྱུད་དང་། ཚ་བོ་དང་། ཡང་ཚའི་རྒྱུད་བུ་རམ་ཤིང་བའི
98b2 རྒྱལ་པོ་བརྒྱས་ཡང་གྲོང་ཁྱེར་གྲུ་འཛིན་དུ་རྒྱལ་སྲིད་ཀྱི་དབང་ཕྱུག་ལ་དབང་བྱས་སོ། ། དེ་དག་གི་འོག་ཏུ་རྒྱལ་པོ་འཕགས་སྐྱེས་པོ་བྱུང་སྟེ། རྒྱལ་པོ་འཕགས་སྐྱེས་པོའི་བུ་བཞི་ལ་འདི་ལྟ་སྟེ། བཞིན
98b3 འབར་དང་། ལག་རྣ་དང་། གླང་ཆེན་འདུལ་དང་། རྐང་གདུབ་ཅན་རྣམས་ཏེ། རྐང་གདུབ་ཅན་གྱི་བུ་ནི་གནས་འཇོག་གོ། གནས་འཇོག་གི་བུ་ནི་བན་ལང་གནས་སོ།། བན་ལང་གནས་ཀྱི་བུ
98b4 ནི་སེང་གེ་འགྲམ་དང་། སེང་གེ་སྒྲ་གཉིས་སོ།། སེང་གེ་འགྲམ་གྱི་བུ་བཞི་ལ་འདི་ལྟ་སྟེ། ཟས་གཙང་དང་། ཟས་དཀར་དང་། བྲེ་བོ་ཟས་དང་། བདུད་རྩི་ཟས་སོ།། བུ་མོ་ནི་གཙང་མ་དང་། དཀར
98b5 མོ་དང་། བྲེ་མོ་མ་དང་། བདུད་རྩི་མ་རྣམས་སོ།། ཟས་གཙང་གི་བུ་གཉིས་ལ། བཅོམ་ལྡན་འདས་དང་། ཚེ་དང་ལྡན་པ་དགའ་བོའོ།། ཟས་དཀར་གྱི་བུ་གཉིས་ལ། ཚེ་དང་ལྡན་པ་རྒྱལ་བ་དང་།
98b6 བཟང་ལྡན་ནོ།། བྲེ་བོ་ཟས་ཀྱི་བུ་གཉིས་ལ། མིང་ཆེན་དང་། མ་འགགས་པའོ།། བདུད་རྩི་ཟས་ཀྱི་བུ་གཉིས་ལ། ཚེ་དང་ལྡན་པ་ཀུན་དགའ་བོ་དང་། ལྷ་སྦྱིན་ནོ།། བདུད་རྩི་མའི་བུ་ནི་བཞི་ལེན་ནོ།།
98b7 བཅོམ་ལྡན་འདས་ཀྱི་བུ་ནི་སྒྲ་གཅན་ཟིན་ནོ།། དེ་ལྟར་ན་མང་པོས་བཀུར་བའི་རྒྱུད་ནི་སྒྲ་གཅན་ཟིན་ལ་ཐུག་ཅིང་། སྒྲ་གཅན་ཟིན་དུ་ཟད་དེ། སྒྲ་གཅན་ཟིན་གྱིས་མཇུག་བཅད་ནས། སྲིད་པའི་ལུགས་ཆད་ཅིང་སྐྱེ་བའི་རྒྱུ་ཟད་དོ།།
iiif viewer powered by OpenSeadragon
