| e-texts navigator |
| Wylie |
93b1 པོ་ཉེ་མཛེས་ཀྱི་རྐང་པའི་བོལ་ལས་ཕོལ་མིག་གཅིག་བྱུང་སྟེ། འཇམ་ཞིང་ཤིན་ཏུ་འཇམ་པ་ནི། དཔེར་ན་ཤིང་བལ་གྱི་ལ་བ་འམ། རས་བལ་གྱི་ལ་བ་བཞིན་ཏེ། དེ་ལ་ཅུང་ཟད་ཀྱང་གནོད་པ་མེད
93b2 དོ། ། དེ་སྨིན་ཏེ་རྡོལ་བ་ལས་ཁྱེའུ་གཟུགས་བཟང་ཞིང་བལྟ་ན་སྡུག་ལ་མཛེས་པ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ་ཞིག་བྱུང་སྟེ། དེ་རྐང་པའི་བོལ་གྱི་སྟེང་ནས་བྱུང་བའི་ཕྱིར།
93b3 མིང་མཛེས་ཅན་མཛེས་ཅན་ཞེས་བྱ་བར་གྱུར་ཏོ།། གཞོན་ནུ་དེ་རྫུ་འཕྲུལ་ཆེ་ཞིང་མཐུ་ཆེ་སྟེ། དེས་ཀྱང་གླིང་གཅིག་ཏུ་རྒྱལ་སྲིད་ཀྱི་དབང་ཕྱུག་ལ་དབང་བྱས་སོ།། རྒྱལ་པོ་མཛེས་ལྡན་གྱི་རྐང་པའི
93b4 མཐིལ་གྱི་འོག་ནས་ཕོལ་མིག་གཅིག་བྱུང་སྟེ། འཇམ་ཞིང་ཤིན་ཏུ་འཇམ་པ་ནི། དཔེར་ན་ཤིང་བལ་གྱི་ལ་བ་འམ། རས་བལ་གྱི་ལ་བ་བཞིན་ཏེ། ཅུང་ཟད་ཀྱང་གནོད་པ་མེད་དོ།། དེ་སྨན་ཏེ་རྡོལ་བ་ལས
93b5 ཁྱེའུ་གཟུགས་བཟང་ཞིང་བལྟ་ན་སྡུག་ལ་མཛེས་པ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ་ཞིག་བྱུང་སྟེ། རྐང་པའི་མཐིལ་གྱི་འོག་ནས་སྐྱེས་སོ་ཞེས་ནས། མིང་མཛེས་ལྡན་མཛེས་ལྡན་ཞེས་བྱ་བར
93b6 གྱུར་ཏོ། ། གཞོན་ནུ་རྫུ་འཕྲུལ་ཆེ་ཞིང་མཐུ་ཆེ་སྟེ། དེས་ཀྱང་གླིང་གཅིག་ཏུ་རྒྱལ་སྲིད་ཀྱི་དབང་ཕྱུག་ལ་དབང་བྱས་སོ།། དེ་ཕྱིན་ཆད་འཁོར་ལོ་སྒྱུར་བའི་རྒྱལ་པོ་རྣམས་ནི་གླིང་གཅིག་ལ་དབང་བ་ཤ་སྟག
93b7 ཡིན་པར་རིག་པར་བྱའོ། ། མཛེས་ལྡན་གྱི་བུ་ནི་བཏང་བའོ།། བཏང་བའི་བུ་ནི་བཏང་བཟུང་ངོ་།། བཏང་བཟུང་གི་བུ་ནི་ཤ་ཀུ་ནའོ།། ཤ་ཀུ་ནིའི་བུ་ནི་ཤ་ཀུ་ནི་ཆེན་པོའོ།། ཤ་ཀུན་ཆེན་པོའི་བུ་ནི་ཀུ་ཤིའོ།།
iiif viewer powered by OpenSeadragon
