| e-texts navigator |
| Wylie |
92b1 དེ་ན་མི་རྣམས་ཀྱི་མིང་སེམས་ཅན་སེམས་ཅན་ཞེས་བྱ་བར་གྱུར་ཏོ།། མང་པོས་བཀུར་བའི་བུ་ནི་འོད་མཛེས་ཞེས་བྱ་བར་གྱུར་ཏོ།། གང་གི་ཚེ་འོད་མཛེས་རྒྱལ་པོར་གྱུར་པ་དེའི་ཚེ་ནི། མི་རྣམས་ཀྱི་མིང་དུ
92b2 ཆུ་སྟོད་ཆུ་སྨད་ཅེས་བྱ་བར་གྱུར་ཏོ། ། འོད་མཛེས་ཀྱི་བུ་དགེ་བ་ཞེས་བྱ་བར་གྱུར་ཏེ། གང་གི་ཚེ་དགེ་བ་ཞེས་བྱ་བ་རྒྱལ་པོར་གྱུར་པ་དེའི་ཚེ། མི་རྣམས་ཀྱི་མིང་ཏིལ་ལས་སྐྱེས་ཏིལ་ལས་སྐྱེས་ཞེས་བྱ་བར
92b3 གྱུར་ཏོ། ། དགེ་བའི་བུ་ནི་དགེ་མཆོག་ཅེས་བྱ་བར་གྱུར་ཏེ། གང་གི་ཚེ་དགེ་མཆོག་རྒྱལ་པོར་གྱུར་པ་དེའི་ཚེ་ནི་མི་རྣམས་ཀྱི་མིང་ནི་སྤྲིན་མགྲིན་སྤྲིན་མགྲིན་ཅེས་བྱ་བར་གྱུར་ཏེ། དགེ་མཆོག་གི་བུ་ནི་གསོ
92b4 སྤྱོང་འཕགས་ཞེས་བྱ་བར་གྱུར་ཏེ། གང་གི་ཚེ་གསོ་སྦྱོང་འཕགས་རྒྱལ་པོར་གྱུར་པ་དེའི་ཚེ། མི་རྣམས་ཀྱི་མིང་ཏ་ལའི་རྗེ་དར་ཏ་ལའི་རྗེ་ངར་ཞེས་བྱ་བར་གྱུར་ཏོ།། དེའི་ཚེ་རྒྱལ་པོ་གསོ་སྦྱོང་འཕགས
92b5 ཀྱི་སྤྱི་བོར་བོ་ལ་མིག་གཅིག་བྱུང་སྟེ། འཇམ་ཞིང་ཤིན་ཏུ་འཇམ་པ་ནི། དཔེར་ན་ཤིང་བལ་གྱི་ལ་བ་འམ། རས་བལ་གྱི་ལ་བ་བཞིན་ཏེ། དེ་ལ་ཅུང་ཟད་ཀྱང་གནོད་པ་མེད་དེ། དེ་སྨིན་ཏེ་བརྡོལ་བ
92b6 ལས་ཁྱེའུ་གཟུགས་བཟང་ཞིང་བལྟ་ན་སྡུག་ལ་མཛེས་པ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ་ཞིག་བྱུང་སྟེ། མིང་སྤྱི་བོ་སྐྱེས་སྤྱི་བོ་སྐྱེས་ཞེས་བྱ་བ་དང་། ང་ལས་ནུང་ལས་ནུ་ཞེས་བྱ་བར་གྱུར
92b7 ཏོ། གཞོན་ནུ་དེ་རྫུ་འཕྲུལ་ཆེ་ཞིང་མཐུ་ཆེན་པོར་གྱུར་ཏེ། དེས་གླིང་བཞི་ཆར་དུ་ཡང་རྒྱལ་སྲིད་ཀྱི་དབང་ཕྱུག་ལ་དབང་བྱས་ཏེ། གང་གི་ཚེ་རྒྱལ་པོ་ང་ལས་ནུ་བྱུང་བ་དེའི་ཚེ་གཞུང་ལུགས་ཆེན་པོ་རྒྱ་ཆེའོ་ཅོག་དཔྱད
iiif viewer powered by OpenSeadragon
