| e-texts navigator |
| Wylie |
88b1 དག་གིས་གཏོར་ཏེ། འདི་སྐད་དུ་སྲུ་སྐྱེད་པར་གྱུར་ཅིག། སྲུ་སྤྱད་པར་གྱུར་ཅིག་ཅེས་ཀྱང་འཛེར་ཏེ། དེ་བཞིན་དུ་སེམས་ཅན་ལོག་པ་ལ་ཞུགས་པ་མཐོང་ན་སྔ་མ་བཞིན་དུ། ད་སེམས་ཅན་གྱིས
88b2 སེམས་ཅན་སུན་དབྱུང་བ་ག་ལ་སྲིད་ཅེས་འཛེར་ཏོ། ། དེ་ལྟར་ན་སྔོན་ཆོས་མ་ཡིན་པར་གྲགས་པ་གང་ཡིན་པ་དེ་ནི། ད་ལྟར་གྱི་མི་རྣམས་ཀྱི་ཆོས་སུ་གྲགས་སོ།། སྔོན་སྨད་པ་དེ་ནི་ད་ལྟར་རབ་ཏུ
88b3 བསྔགས་པར་གྱུར་ཏོ། ། གང་གིས་ཕྱིར་སེམས་ཅན་དེ་དག་སྡིག་པ་དང་། དམ་པའི་ཆོས་མ་ཡིན་པ་དེ་ལ་ཞེན་ཅིང་འཛུད་པར་བྱེད་དེ། ངེས་པར་ཞུགས་པ་དེས་ན་ཕྱོགས་གཅིག་ཏུ་སྟོང་སྟེ། ཁྱིམ
88b4 བྱ་བ་ལ་ཞུགས་ཤིང་རྩོམ་པར་གྱུར་ཏེ། འདིར་བདག་ཅག་གཉིས་ཀྱིས་བྱི་བ་བྱས་སོ་ཞེས་ཟེར་བ་ལས་ཁྱིམ་ཁྱིམ་ཞེས་བྱ་བའི་མིང་བྱུང་ངོ་།། དེ་དག་ཕྱི་འབྲེད་བཟའ་འདོད་པའི་ཕྱིར་ནི་ཕྱི
88b5 འབྲེད་སཱ་ལུ་ལེན་ཏོ། ། ནང་པར་འདོད་པའི་ཕྱིར་ནང་པར་ལེན་ཏོ།། དེ་ནས་སེམས་ཅན་ལེ་ལོ་ཅན་གཞན་ཞིག་གིས་ནང་པར་གྱི་སཱ་ལུ་ཕྱི་འབྲེད་བླངས་སོ།། དེ་ནས་སེམས་ཅན་གཞན་ཞིག
88b6 གིས་སེམས་ཅན་དེ་ལ་འདི་སྐད་དུ། ཀྱེ་སེམས་ཅན་ཚུར་ཤོག། བདག་ཅག་གཉིས་སཱ་ལུ་ལེན་དུ་འདོང་ངོ་ཞེས་སྨྲས་སོ།། དེས་འདི་སྐད་དུ། ཀྱེ་སེམས་ཅན་ཁྱེད་ཅག་སཱ་ལུ་བླང་བའི་ཕྱིར
88b7 ནན་ཏན་བྱོས་ཤིག། ངས་ནི་ནང་པར་གྱི་སཱ་ལུ་ནུབ་མོ་བླངས་ཟིན་ཏོ་ཞེས་སྨྲས་སོ།། དེ་ནས་སེམས་ཅན་དེ་འདི་སྙམ་དུ། ནང་པར་གྱི་སཱ་ལུ་ཕྱི་འབྲེད་ལེན་པ་འདི་ནི་ལེགས་པ་ཡིན་ནོ།། འདི་ནི་ཤིན་ཏུ
iiif viewer powered by OpenSeadragon
