| e-texts navigator |
| Wylie |
88a1 ཚོགས་པ་དང་། རོ་ཕུན་སུམ་ཚོགས་པ་བྱུང་བར་གྱུར་ཏེ། གཟེགས་མ་མེད་ཅིང་ཕུབ་མ་མེད་ལ་དག་ཅིང་གཙང་སྟེ། སོར་བཞི་ཙམ་ལ་ཡོངས་སུ་གཡོག་པ་མེད་པ་དེ་ནང་བརྔས
88a2 ན་ནུབ་སྐྱེ། ནུབ་བརྔས་ན་ནང་སྐྱེའོ།། དེ་ལྟར་བརྔས་ཤིང་བརྔས་ཤིང་སྐྱེས་ལ། བརྔས་པར་ཡང་མི་མངོན་ཏེ། དེ་དག་བཟའ་བ་དེ་དང་། ཁ་ཟས་དེ་ཟལ་ཚེ་རིང་ཞིང་ཡུན་རིང་དུ་གནས་སོ།། གང
88a3 གི་ཕྱིར་སེམས་ཅན་དེ་དག་གིས་མ་རྨོས་མ་བཏབ་པའི་འབྲས་སཱ་ལུས་འབྲུ་དེ་ལྟ་བུའི་རིམ་གྱིས་ཡོངས་སུ་ལོངས་སྤྱོད་པས་དེའི་ཕྱིར། དེ་དག་གི་དབང་པོ་ཐ་དད་པ་བྱུང་བར་གྱུར་ཏེ། ཁ་ཅིག་ལ་ནི་མོའི་དབང
88a4 པོ་ཁ་ཅིག་ལ་ནི་ཕོའི་དབང་པོ་བྱུང་སྟེ། དེ་ལ་མོའི་དབང་པོ་ཅན་གང་ཡིན་པ་དག་དང་། ཕོའི་དབང་པོ་ཅན་གང་ཡིན་པ་དེ་དག་གཅིག་ལ་གཅིག་མིག་གིས་མིག་ཙུགས་སུ་ལྟའོ།། ཇི་ཙམ་དུ་མིག་གིས
88a5 མིག་ཙུགས་སུ་ལྟ་བ་དེ་ཙམ་དུ་ཀུན་ཏུ་ཆགས་སོ། ། ཇི་ཙམ་དུ་ཀུན་ཏུ་ཆགས་པ་དེ་ཙམ་དུ་ངོ་ཚ་མི་ཤེས་སོ།། ཇི་ཙམ་དུ་ངོ་ཚ་མི་ཤེས་པ་དེ་ཙམ་དུ་ལོག་པ་ལ་ཞུགས་སོ།། སེམས་ཅན་གཞན་དག་གིས་ཀྱང་།
88a6 སེམས་ཅན་ལོག་པ་ལ་ཞུག་པ་དེ་མཐོང་ངོ་།། མཐོང་ནས་ཀྱང་རྡུལ་གྱིས་འཐོར་ཞིང་བོང་བ་དང་། གསེག་མ་དང་། གྱོ་མོ་དག་ཀྱང་འཕེན་ཏེ། འདི་སྐད་དུ། ངན་ཞིང་བླུན་པའི་སེམས་ཅན་བྱི་བ་བྱེད་པ།
88a7 ད་སེམས་ཅན་གྱིས་སེམས་ཅན་སུན་དབྱུང་བ་ག་ལ་སྲིད་ཅེས་འཛེར་ཏེ། དཔེར་ན་ད་ལྟར་གྱི་མི་རྣམས་བག་མ་ལེན་པ་ན། གཉེན་འདུན་རྣམས་ཀྱིས་མེ་ཏོག་གམ། འབྲས་ཡོས་སམ། ཙན་དན་གྱི་ཕྱེ་མ
iiif viewer powered by OpenSeadragon
