| e-texts navigator |
| Wylie |
87b1 ལ་ཚེ་ཡང་རིང་ཞིང་ཡུན་རིང་དུ་གནས་སོ། ། དེ་དག་གི་ནང་ན་ཁ་ཟས་ཆེས་མང་དུ་ཟ་བ་དེ་ནི་ཁ་དོག་ངན་པར་འགྱུར་རོ།། གང་ཁ་ཟས་ཆེས་ཉུང་ངུ་ཟ་བ་དེ་ནི་དེ་ཁ་དོག་བཟང་བར་འགྱུར་རོ།། དེ་ལྟར་ཁ་ཟས་སྣ
87b2 ཚོགས་ཀྱི་རྐྱེན་གྱིས་ཁ་དོག་སྣ་ཚོགས་ཡོད་པར་འགྱུར་རོ། ། ཁ་དོག་སྣ་ཚོགས་ཡོད་པར་གྱུར་པས། ཀྱེ་སེམས་ཅན་ང་ནི་ཁ་དོག་བཟང་བ་ཡིན་ནོ།། ཁྱོད་ནི་ཁ་དོག་ངན་པ་ཡིན་ནོ་ཞེས་སེམས་ཅན་གྱིས་སེམས
87b3 ཅན་ལ་བརྙས་པར་གྱུར་ཏོ། ། ཁ་དོག་གི་མངོན་པའི་ང་རྒྱལ་ཅན་དེ་དག་གིས་ཡང་སྡིག་པ་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་ཕྱིར་ལྡུམ་བུའི་ཚལ་ཡང་ནུབ་པར་གྱུར་ཏེ། ལྡུམ་བུའི་ཚལ
87b4 ནུབ་པར་གྱུར་ནས། དེ་ནས་སེམས་ཅན་དེ་དག་འདུས་ཤིང་ཚོགས་ཏེ། མྱ་ངན་བྱེད་ཅིང་ཡི་ཚད་ལ་སྨྲེ་སྔགས་འདོན་ཏེ། འདི་སྐད་དུ། ཕར་སོང་ཕར་སོང་ཞེས་འཛེར་ཏེ། དཔེར་ན་ད་ལྟར་གྱི་མི་རྣམས
87b5 ལས་ལ་ལ་ཞིག་ཚིག་དྲག་པོའི་རྒྱ་གག་གིས་སྤྱོ་བར་འདོད་པ་ན། སྔོན་གྱི་ཡི་གེ་དང་། ཚིག་དང་། མིང་དེ་དག་རྗེས་སུ་ཟློས་ཏེ། འདི་སྐད་དུ། ཕར་སོང་ཕར་སོང་ཞེས་ཟེར་བ་དེ་བཞིན་དུ། སེམས་ཅན
87b6 དེ་དག་འདུས་ཤིང་ཚོགས་ནས། མྱ་ངན་བྱེད་ཅིང་ཡི་ཆད་ལ་སྨྲེ་སྔགས་འདོན་ཏེ། ཕར་སོང་ཕར་སོང་ཞེས་འཛེར་ཏེ། འོན་ཀྱང་སྨྲས་པ། འདིའི་དོན་ནི་འདི་ཡིན་ནོ།། སྨྲས་པ། འདིའི་དོན་ནི་འདི
87b7 ཡིན་ནོ་ཞེས་སྨྲས་པ། དེའི་དོན་ཡང་མི་ཤེས་སོ།། ལྡུམ་བུའི་ཚལ་ནུབ་པར་གྱུར་པ་ན། སེམས་ཅན་དེ་དག་གིས་མ་རྨོས་མ་བཏབ་པའི་འབྲས་སཱ་ལུའི་འབྲུ་ཕུན་སུམ་ཚོགས་པ་དང་། དྲི་ཕུན་སུམ
iiif viewer powered by OpenSeadragon
