| e-texts navigator |
| Wylie |
87a1 ཆེས་མང་དུ་ཟ་བ་དེ་ནི་ཁ་དོག་ངན་པར་འགྱུར་རོ། ། གང་ཁ་ཟས་ཆེས་ཉུང་ངུ་ཟ་བ་དེ་ནི་ཁ་དོག་བཟང་བར་འགྱུར་རོ།། དེ་ལྟར་ཁ་ཟས་སྣ་ཚོགས་ཀྱིས་ཁ་དོག་སྣ་ཚོགས་ཡོད་པར་འགྱུར་རོ།།
87a2 ཁ་དོག་སྣ་ཚོགས་ཡོད་པར་གྱུར་པས། ཀྱེ་སེམས་ཅན་ང་ནི་ཁ་དོག་བཟང་པོ་ཡིན་ནོ།། ཁྱོད་ནི་ཁ་དོག་ངན་པ་ཡིན་ནོ་ཞེས་སེམས་ཅན་གྱིས་སེམས་ཅན་ལ་བརྙས་པར་གྱུར་ཏོ།། ཁ་དོག་གི་མངོན་པའི་ང་རྒྱལ
87a3 ཅན་དེ་དག་གིས་ཡང་སྡིག་པ་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་ཕྱིར་ས་ཞག་ཀྱང་ནུབ་པར་གྱུར་ཏོ། ། དེ་ནས་སེམས་ཅན་དེ་དག་འདུས་ཤིང་ཚོགས་ནས། མྱ་ངན་བྱེད་ཅིང་ཡི་ཆེད་ལ་སྨྲེ་སྔག
87a4 འདོན་ཏེ། འདི་སྐད་དུ་ཀྱེ་མ་ཀྱི་ཧུད་ཀྱེ་མ་ཀྱི་ཧུད་ཅེས་ཀྱང་འཛེར་ཏེ། དཔེར་ན་ད་ལྟར་གྱི་མི་རྣམས་ལས་ལ་ལ་ཞིག་ནད་རྒྱུན་རིང་པོའི་རིམས་ཀྱིས་བཏབ་པ་ན། སྔོན་གྱི་ཡི་གེ་དང་། ཚིག་དང་། མིང
87a5 དག་རྗེས་སུ་ཟློས་ཏེ། འདི་སྐད་དུ། ཀྱེ་མ་ཀྱི་ཧུད་ཀྱེ་མ་ཀྱི་ཧུད་ཅེས་ཟེར་བ་དེ་བཞིན་དུ། སེམས་ཅན་དེ་དག་འདུས་ཤིང་ཚོགས་ཞེས་བྱ་བ་ནས། སྨྲེ་སྔགས་འདོན་པའི་བར་དུ་སྟེ། འོན་ཀྱང་སྨྲས་པ། འདིའི
87a6 དོན་ནི་འདི་ཡིན་ནོ། ། སྨྲས་པ། འདིའི་དོན་ནི་ཨིན་ནོ་ཞེས་སྨྲས་པ། དེའི་དོན་ཡང་མི་ཤེས་སོ།། ས་ཞག་ནུབ་པར་གྱུར་པ་ན། སེམས་ཅན་དེ་དག་གི་ལྡུམ་བུའི་ཚལ་ཁ་དོག་ཕུན་སུམ་ཚོགས་པ་དང་། དྲི་ཕུན
87a7 སུམ་ཚོགས་པ་དང་། རོ་ཕུན་སུམ་ཚོགས་པ་བྱུང་སྟེ། ཁ་དོག་ནི་དཔེར་ན་ཀ་དམ་འབུ་ཏ་ཀའི་མེ་ཏོག་བཞིན་ནོ།། རོ་ནི་དཔེར་ན་སྤང་མའི་སྦྲང་རྩིམ་སྐོལ་བ་བཞིན་ཏེ། དེ་དག་བཟའ་བ་དེ་དང་། ཁ་ཟས་དེ་ཟ
iiif viewer powered by OpenSeadragon
