| e-texts navigator |
| Wylie |
86b1 ཁ་དོག་སྣ་ཚོགས་ཡོད་པར་གྱུར་པས། ཀྱེ་སེམས་ཅན་ང་ནི་ཁ་དོག་བཟང་བ་ཡིན་ནོ།། ཁྱོད་ནི་ཁ་དོག་ངན་པ་ཡིན་ནོ་ཞེས་སེམས་ཅན་གྱིས་སེམས་ཅན་ལ་བརྙས་པར་གྱུར་ཏོ།། ཁ་དོག་གི་མངོན
86b2 པའི་ང་རྒྱལ་ཅན་དེ་དག་གིས་སྡིག་པ་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་ཕྱིར་སའི་བཅུད་ནུབ་པར་གྱུར་ཏོ། ། དེ་ནས་སེམས་ཅན་དེ་དག་འདུས་ཤིང་ཚོགས་ནས། མྱ་ངན་བྱེད་ཅིང་ཡི་ཆེད
86b3 ལསྨྲེ་སྔགས་འདོན་ཏེ། འདི་སྐད་དུ་ཀྱི་ཧུད་སའི་བཅུད། ཀྱི་ཧུད་སའི་བཅུད་ཅེས་ཀྱང་འཛེར་ཏེ། དཔེར་ན་ད་ལྟར་གྱི་མི་རྣམས་ཀྱིས་ཁ་ཟས་བཟང་པོ་དང་རབ་འགའ་ཞིག་རྙེད་ན། སྔོན་གྱི་ཡི
86b4 གེ་དང་། ཚིག་དང་། མིང་དེ་དག་རྗེས་སུ་ཟློས་པར་བྱེད་དེ། འདི་སྐད་དུ། ཀྱི་ཧུད་བྲོ་བ། ཀྱི་ཧུད་བྲོ་བ་ཞེས་ཟེར་བ་དེ་བཞིན་དུ། སེམས་ཅན་དེ་དག་འདུས་ཤིང་ཚོགས་ནས། མྱ་ངན་བྱེད་ཅིང་ཡི་ཆང་ལ
86b5 སྨྲེ་སྔགས་འདོན་ཏེ། འདི་སྐད་དུ། ཀྱི་ཧུད་སའི་བཅུད། ཀྱི་ཧུད་སའི་བཅུད་ཅེས་འཛེར་ཏེ། འོན་ཀྱང་སྨྲས་པ། འདིའི་དོན་ནི་འདི་ཡིན་ནོ།། སྨྲས་པ། འདིའི་དོན་ནི་འདི་ཡིན་ནོ་ཞེས་སྨྲས་པ།
86b6 དེའི་དོན་ཡང་མི་ཤེས་སོ།། སའི་བཅུད་ནུབ་པར་གྱུར་ནས་སེམས་ཅན་དེ་དག་གིས་ཞག་ཁ་དོག་ཕུན་སུམ་ཚོགས་པ་དང་། དྲི་ཕུན་སུམ་ཚོགས་པ་དང་། རོ་ཕུན་སུམ་ཚོགས་པ་བྱུང་བར་གྱུར་ཏེ། ཁ་དོག་ནི
86b7 དཔེར་ན་དོང་ཀའི་མེ་ཏོག་བཞིན་ནོ། ། རོ་ནི་དཔེར་ན་སྦྲང་མའི་སྦྲང་རྩི་མ་སྐོལ་བ་བཞིན་ཏེ། དེ་དག་བཟའ་བ་དེ་དང་། ཁ་ཟས་དེ་ཟ་ལ་ཚེ་རིང་ཞིང་ཡུན་རིང་དུ་གནས་སོ།། དེ་དག་གི་ནང་ན་གང་ཁ་ཟས
iiif viewer powered by OpenSeadragon
