| e-texts navigator |
| Wylie |
85b1 དང་ཟླ་བ་འདི་ཉིད་འཇིག་རྟེན་དུ་མི་འབྱུང་ངོ་། ། རྒྱུ་སྐར་རྣམས་ཀྱང་མི་འབྱུང་། དུས་ཚིགས་དང་། ལོ་རྣམས་ཀྱང་མི་འབྱུང་། ཟླ་བ་དང་། ཟླ་བ་ཕྱེད་རྣམས་ཀྱང་མི་འབྱུང་། མཚན་མོ་དང
85b2 ཉིན་མོ་རྣམས་ཀྱང་མི་འབྱུང་། སྐད་ཅིག་དང་། ཐང་ཅིག་དང་། ཡུད་ཙམ་རྣམས་ཀྱང་མི་འབྱུང་།། སྐྱེས་པ་དང་། བུད་མེད་ཀྱང་མེད་དེ། གཞན་དུ་ན་སེམས་ཅན་སེམས་ཅན་ཞེས་བྱ་བའི་མིང་འབའ་ཞིག
85b3 འབྱུང་ངོ་། ། དེ་ནས་སེམས་ཅན་བརྐམ་པའི་རང་བཞིན་ཅན་གཞན་ཞིག་གིས། སའི་བཅུད་མཛུབ་མོའི་ཐོར་ཏོས་བླངས་ཏེ་མྱངས་སོ།། ཇི་ཙམ་དུ་མྱང་བར་བྱེད་པ་དེ་ཙམ་དུ་སྲེད་པར་གྱུར་ཏོ།། ཇི
85b4 ཙམ་དུ་སྲེད་པར་གྱུར་པ་དེ་ཙམ་དུ་ཁམ་གྱིས་ཟ་བར་བྱེད་དོ། ། སེམས་ཅན་གཞན་དག་གིས་ཀྱང་སེམས་ཅན་དེའི་སའི་བཅུད་མཛུབ་མོའི་ཐོར་ཏོས་བླངས་ཏེ་མྱང་བར་བྱེད་པ་མཐོང་ངོ་།། མཐོང་ནས
85b5 སེམས་ཅན་དེ་དག་གིས་ཀྱང་སའི་བཅུད་མཛུབ་མོའི་ཐོར་ཏོས་བླངས་ཏེ་མྱང་བར་བྱེད་དོ། ། ཇི་ཙམ་དུ་མྱང་བར་བྱེད་པ་དེ་ཙམ་དུ་སྲེད་པར་གྱུར་ཏོ།། ཇི་ཙམ་དུ་སྲེད་པར་གྱུར་པ་དེ་ཙམ་དུ་ཁམ་གྱིས
85b6 ཟ་བར་བྱེད་དོ། ། སེམས་ཅན་དེ་དག་གིས་སའི་བཅུད་ཁམ་གྱིས་ཟོས་པ་དེས་ན། དེ་དག་གི་ལུས་ལ་མཁྲང་བ་དང་། ལྕི་བ་ཞུགས་པར་གྱུར་ཏེ། འོད་དང་། ཁ་དོག་གི་མདོག་གང་ཡིན་པ
85b7 དེ་ནི་མེད་པར་གྱུར་ཏེ། འཇིག་རྟེན་དུ་མུན་པ་འབྱུང་བར་གྱུར། ཆོས་ཉིད་ཀྱིས་ན་འཇིག་རྟེན་དུ་མུན་པ་བྱུང་ན། ཉི་མ་དང་ཟླ་བ་འདི་གཉིས་འཇིག་རྟེན་དུ་འབྱུང་བར་འགྱུར་རོ།། རྒྱུ་སྐར་རྣམས་དང་།
iiif viewer powered by OpenSeadragon
