| e-texts navigator |
| Wylie |
81b1 ཅིང་གྱེན་དུ་ཡང་འབྱུང་བར་བྱེད་དོ། ། དེ་ནི་རིའི་རྒྱལ་པོ་གཉའ་ཤིང་འཛིན་ཅེས་བྱ་བ་ཡིན་ཏེ། དཔག་ཚད་བརྒྱད་ཁྲི་ནི་ཆུའི་འོག་ཏུ་གསེར་གྱི་ས་གཞི་ཆེན་པོ་ལ་བརྟེན་ཏོ།། དཔག་ཚད་བཞི་ཁྲི་ནི་ཆུ་ལས
81b2 གྱེན་དུ་འཕགས་སོ། ། ཞེང་དུ་ཡང་དེ་དང་འདྲ་སྟེ། དབྱིབས་ལེགས་ཤིང་བལྟ་ན་སྡུག་ལ་མཛེས་པ་གསེར་ལས་གྲུབ་པ་ཡིན་ནོ།། ཡུན་རིང་མོ་ཞིག་འདས་ནས་ཆུའི་མཚོ་ཆེན་པོ་དེའི་སྟེང་དུ་ནང་དུ
81b3 བལྟས་པ་དང་། ཕྱི་རོལ་དུ་བལྟས་པའི་རླུང་ཁོ་ར་ཁོར་ཡུག་ནས་གྲུ་བཞིར་ལྡང་བ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ། དེ་དག་གིས་ཆུ་དེ་དག་ཀུན་ཏུ་སྡུད་ཅིང་ཀུན་ཏུ་འཐས་པར་བྱེད་དོ།། །
81b4 ཀུན་ཏུ་བསྡུས་ཤིང་ཀུན་ཏུ་འཐས་པར་བྱས་ནས། ཐུར་དུ་ཟུག་པར་བྱེད་ལ་གྱེན་དུ་ཡང་འབྱུང་བར་བྱེད་དོ།། དེ་ནི་རིའི་རྒྱལ་པོ་གཤོལ་མདའ་འཛིན་ཅེས་བྱ་བ་ཡིན་ཏེ། དཔག་ཚད་བརྒྱད་ཁྲི་ནི་ཆུའི
81b5 འོག་གསེར་གྱི་ས་གཞི་ཆེན་པོ་ལ་བརྟེན་ཏོ། ། དཔག་ཚད་ཉི་ཁྲི་ནི་ཆུ་ལས་གྱེན་དུ་འཕགས་སོ།། ཞེང་དུ་ཡང་དེ་དང་འདྲ་སྟེ། དབྱིབས་ལེགས་ཤིང་བལྟ་ན་སྡུག་ལ་མཛེས་པ་གསེར་ལས་གྲུབ
81b6 པ་ཡིན་ནོ། ། ཡུན་རིང་མོ་ཞིག་འདས་ནས་ཆུའི་རྒྱ་མཚོ་ཆེན་པོ་དེའི་སྟེང་དུ་ནང་དུ་བལྟས་པ་དང་། ཕྱི་རོལ་དུ་བལྟས་པའི་རླུང་ཁོ་ར་ཁོར་ཡུག་ནས་གྲུ་བཞིར་ལྡང་བ་དེའི་དུས་ཀྱང་ཡོད་ལ། དེའི་སྐབ
81b7 ཀྱང་ཡོད་དེ། དེ་དག་གིས་ཆུ་དེ་དག་ཀུན་ཏུ་སྡུད་ཅིང་ཀུན་ཏུ་འཐས་པར་བྱེད་དོ།། ཀུན་ཏུ་བསྡུས་ཤིང་ཀུན་ཏུ་འཐས་པར་བྱས་ནས། ཐུར་དུ་ཡང་ཟུག་པར་བྱེད་ཅིང་གྱེན་དུ་ཡང་འབྱུང་བར་བྱེད་དོ།།
iiif viewer powered by OpenSeadragon
